Əl-Əzhər: "İsrailin Qəzzada etdiyi zülmə susmaq olmaz"
"Əl-Əzhər" İnformasiya Mərkəzinin verdiyi məlumata görə, Əl-Əzhər, sionist rejim ordusunun Qəzzanın mərkəzindəki Nuseyrat qaçqın düşərgəsinə şənbə günü hücumu nəticəsində azı 210 nəfərin ölümü və 400-dən çox insanın yaralanmasından sonra bəyanat verib.
Əl-Əzhər öz bəyanatında bunun dünyada fitnə və zülm yayan israilli terrorçuların törətdiyi dəhşətli cinayət olduğunu vurğulayıb.
Üstəlik, Əl-Əzhər fələstinlilərin bu kütləvi qətlini sionist rejimin Fələstin xalqına qarşı törətdiyi vəhşiliklərin uzun siyahısında növbəti cinayət hesab edib.
Əl-Əzhər sionist rejimin vəhşi cinayətlərini pisləyib və beynəlxalq ictimaiyyəti və vicdanlı insanları bu cinayətlərə səssiz qalmamağa çağırıb.
Bundan əlavə, Əl-Əzhər Qəzzadakı kritik və qeyri-insani şəraiti bəzi rejimlərin dəstəyinin nəticəsi hesab edərək şiddətlə pisləyib.
Sionist rejimin Nuseyrat qaçqın düşərgəsinə hücumu bütün dünyada qınaqlara səbəb olub.
İsrail ordusu iyunun 19-u şənbə günü günorta saatlarında Qəzza zolağında Nuseyrat düşərgəsinin mərkəzində həyata keçirdiyi əməliyyatda 4 sionist məhbusu xilas etdiyini və onların vəziyyətinin yaxşı olduğunu iddia edib.
4220495
