BMT-nin baş katibi: "Qəzzada vəziyyət aclıq həddinə çatıb"
"İQNA", "Ərəb21" saytına istinadən xəbər verir ki, BMT-nin baş katibi Antonio Quterreş İsrailin Qəzzaya davamlı təcavüzü nəticəsində bu bölgədəki insanların dörddə üçünü köçkün vəziyyətinə saldığını vurğulayıb və qeyd edib ki, humanitar yardımın qarşısının alınması bu bölgədə mühasirədə olan Fələstin xalqını məhv edəcək aclıq sərhədinə çatdı.
Quterreş Birləşmiş Millətlər Təşkilatının İqtisadi və Sosial Şurasındakı çıxışında deyib: "İsrailin Qəzzada keçirdiyi hərbi əməliyyat cəmi 8 ayda 36 mindən çox insanın ölümünə səbəb olub və bu bölgənin əhalisinin dörddə üçündən çoxu dəfələrlə qaçmaq məcburiyyətində qalıb. O, əlavə edib ki, humanitar yardıma çatmaq üçün ciddi maneələr insanları aclıq həddinə çatdırıb.
Ötən ilin oktyabr ayından etibarən sionist rejimin Qəzzə zolağına vəhşicəsinə hücumlarından sonra bu bölgə xalqı misli görünməmiş humanitar fəlakətlə üzləşib. 1 milyon 800 mindən çox insan qaçqın düşərgələri və mərkəzlərinə sığınıb və sionist rejim qəsdən qaçqınları hədəfə alır.
Ötən həftə İslami Müqavimət Hərəkatının (HƏMAS) lideri İzzət Ər-Rəşq Qəzzada 40 uşağın aclıqdan öldüyünü açıqlamış və 3500 uşağın qida və peyvənd çatışmazlığı səbəbindən ölüm riski ilə üzləşdiyi barədə xəbərdarlıq etmişdi. Beynəlxalq humanitar təşkilatlar tərəfindən dərc edilən ərzaq təhlükəsizliyi hesabatı Qəzza əhalisinin təxminən 96 faizinin yüksək səviyyədə kəskin qida çatışmazlığı ilə üzləşdiyini göstərib.
4223427
