Sionistlər Qəzzada bir məscidi yandırıblar
"İQNA"-nın "Əl-Məyadin"-ə istinadən verdiyi xəbərə görə, sionist qüvvələr Qəzzanın şimalındakı Şücayə məhəlləsi, eləcə də Qəzza zolağının cənubunda yerləşən Rəfah şəhərinin qərbi və mərkəzinə hücum edərək, azı 6 fələstinlini qətlə yetirib və bir neçə evi dağıdıblar.
Qəzza zolağının bəzi sakinləri bildiriblər ki, dörd gün əvvəl Şücayəyə qayıdan sionist rejim ordusunun tankları bir neçə evi atəşə tutub və ailələri evlərinin içərisinə çıxa bilməyəcəkləri şəkildə kilidlələyiblər.
Qəzzadakı Fələstin vətəndaşlarının verdiyi məlumata görə, işğalçı İsrail ordusu bu şəhərin ən məşhur məscidlərindən biri olan Rəfahın mərkəzində yerləşən Əl-Avda məscidini yandırıb.
Reuters-in verdiyi məlumata görə, sionist rejim Rəfahda hərbi əməliyyatların məqsədinin HƏMAS-a bağlı son silahlı batalyonları məhv etmək olduğunu iddia edib.
Bununla əlaqədar olaraq, sionist ordu öz qüvvələrinin Rəfahda məqsədyönlü və kəşfiyyata əsaslanan əməliyyatları davam etdirdiyini və müxtəlif toqquşmalarda çoxlu sayda hərbçini məhv edərək tunelləri məhv etdiyini elan edib.
Bazar günü hökumətin həftəlik iclasının əvvəlində İsrailin baş naziri Benyamin Netanyahu HƏMAS-a qarşı müharibədə qələbəyə nail olmaq üçün alternativin olmadığı vurğuladı.
Fələstinin Qəzzə Səhiyyə Nazirliyinin verdiyi məlumata görə, sionist rejimin Qəzzəyə hücumları zamanı 38 minə yaxın insan şəhid olub ki, onların da əksəriyyəti mülki şəxslərdir.
4224183
