Xorasan Rəzəvi vilayətinin Səbzevar şəhərindən olan və 47-ci milli Qurani-Kərim yarışmasının final mərhələsinin əzbərlənməsi üzrə yarışma iştirakçısı gözləri görməyən Əlirza Xodabəxş, Şərqi Azərbaycandan "İQNA"-ya verdiyi müsahibəsində Quran təbliğatçısı olmağı bu sahədəki ən böyük hədəfi hesab edib və deyib: "İlk dəfədir ki, bu yarışmada iştirak etdim və xüsusilə Quranı əzbərləmə sahəsində ilahi kəlamın təbliğatçısı olacağıma ümid edirəm".

O, Quranı iki yolla əzbərlədiyini deyib: Dinləmək və Brayl əlifbasından istifadə etməklə. Sonra sözünə belə davam edib: Quranı oxumağa orta məktəbdə başlamışam, lakin 2017-ci ildə Allahın lütfü ilə bir ildə Quranı bütünlüklə əzbərləmişəm".

Xudabəxş Quranın şəxsi həyatında ilk və ən mühüm təsirinin aramlıq və qəlbi xatircəmlik olduğunu bildirib və əlavə edib: "Ailəmin və yaxınlarımdan birinin təşviqi ilə Quran sahəsinə daxil oldum və bu, mənə həyatımın bütün sahələrində, o cümlədən, təhsil və qəbul imtahanlarında uğur qazandırdı".

Quran tilavəti üçün Ustad Menşavinin audio fayllarından istifadə etdiyinə işarə edən, bu nurlu Quran hafizi dedi: Quranı əzbərləmə zamanı Quran müəllimlərinin və dostlarının köməyi ilə Nəhavənd və Segah kimi müxtəlif muğamları öyrənməyə başladım".

Xudabəxş Quranın öz həyatındakı təsirini və onun nemətlərini dərk edərək dedi: "Həyatda mənəviyyat yaratmaq, Uca Allahın razılığını və İmamların (ə) razılığını qazanmaq mənim Quranı əzbərləməkdən aldığım ən böyük mükafatdır".

Qeyd edək ki, Vəqf və Xeyriyyə İşləri Təşkilatının 47-ci milli Qurani-Kərim müsabiqəsinin kişilər bölməsi üzrə final mərhələsi dekabrın 9-dan 19-dək Təbrizdə davam edəcək və ictimaiyyət üçün iştirak etmək azaddır.

4254017