Cəzayirdə 500 Quran hafizinin iştirakı ilə Quran xətm edildi

İQNA – Cəzayirin müxtəlif bölgələrindən olan beş yüz kişi və qadın Quran hafizi, Quran kampaniyası çərçivəsində Vəhy Kəlamını tam şəkildə xətm etdilər.

"Əş-Şuruq Online" saytının verdiyi məlumata görə, bu proqram 28 dekabr şənbə günü sübh namazından axşam namazına qədər davam etmiş və beş yüz hafiz Quranı tamamilə xətm etmişdir.

Cəzayir Quran Kərim Hərəkatı Fondu Facebook səhifəsində verdiyi açıqlamada, təxminən 9 ay davam edən hazırlıq işlərinin və layihənin əvvəlki mərhələlərinin min tələbənin iştirakı ilə həyata keçirildiyini, 500 istedadlı hafizin bu uğura imza atdığını və Quran sevgisi ilə bağlılıqlarını nümayiş etdirdiklərini bildirib.

Bu proqram Vəqfin Facebook səhifəsindən canlı yayımlanacaq və Cəzayirin müxtəlif bölgələrindəki Quran mərkəzlərində şənbə günləri sübh namazından axşam namazına qədər oxşar Quran xətm proqramları davam etdiriləcək.

Eyni zamanda başqa bir xəbərdə bildirilir ki, Cəzayirin Vəhran şəhərindəki Əmir Əbdülqadir Məscidində “Vəhy Hafizləri” başlığı altında Quran xətm müsabiqəsinin birinci mərhələsi 10-65 yaş arası 100 iştirakçının iştirakı ilə şənbə günü keçirilib.

Cəzayir Furqan Quran Əzbəri Dərnəyi 2005-ci ildə təsis edilib və dərnəyin Vəhran vilayətindəki filiallarında 1500 nəfər Quran əzbəri üzrə təhsil alır.

4256859