Sosial mediada yeni çıxan yəmənli Quran qarisi / video
"Əl-Xəlic" saytının verdiyi məlumata görə, yəmənli qari Yəmənin paytaxtı Sənadandır və onun əvvəllər ərəblər və müsəlmanlar tərəfindən az tanınan Quran tilavətləri sosial şəbəkələrdə mövcuddur.
Onun sosial şəbəkələrdə, xüsusən də YouTube-da oxuduğu qiraətlər Məhəmməd Əl-Fəqihi məşhur və populyar edib, onun qeydə alınmış Quran tilavətləri isə bütün dünyada öz izləyicilərini qazanıb.
Hazırda 30 yaşlarında olan Əl-Fəqih məşhur yəmənli qariləri təqlid edərək Quran istedadını inkişaf etdirdi və Quranı Səna üslubunda, yəmənli qarilərin emosional və kədərli Quran tilavəti ilə oxuyur.
Əl-Fəqih, bu üslubun çətinliklərinə, çox enerji sərf etməsinə baxmayaraq, ona xüsusi həvəsi var.
Sənanın Həbra yaşayış massivindəki Bilal ibn Rabah məscidində imamlıq edən qari əkinçi ailəsində böyüyüb və utancaqlığına görə diqqət mərkəzində olmağı sevmir.
Son illərdə yəmənli qarinin yaxın dostu sosial şəbəkələrdə onun təvazökar, sakit və kədərli qiraətlərinin səs yazılarını paylaşıb. Bu, Səna üslubunda qiraətlərin yayılmasına səbəb oldu.
Yəmənli hafizin səs yazıları sosial mediada yayımlandıqdan və TikTok-da 18 milyondan çox baxışa çatdıqdan sonra Yəmən vətəndaşları ondan Quranı özünəməxsus üslub və səslə yazmağı tələb ediblər.
Əl-Fəqihin pərəstişkarlarından biri 2023-cü ilin sonlarında onun qiraətlərinin yazılması xərclərini qarşılamaq və audio yazıların yayılmasını asanlaşdırmaq üçün Facebook-da pul toplama kampaniyasına başladı.
Yəmənli bir qari Yəmən vətəndaşlarının marağına cavab olaraq “Əl-Fəqih” adlı YouTube səhifəsində Quranın tərtillə oxunan müxtəlif surələrini dərc etməyə başlayıb. Onun vasitəsi ilə Qurani-Kərimin "Qaf" surəsinin qiraəti var.
4259792
