İngiltərədəki Bredford sərgisində nadir Quran nüsxələri nümayiş etdirilir
“The Telegraph & Argus” yazır ki, yeni sərgi yerli əhalini İslam xəttatlığı ilə tanış edir.
“Eşitmək üçün mübarizə” adlı sərgi şəhərin mədəniyyət bayramlarının bir hissəsidir. Sərgi "Cartwright Hall" İncəsənət Qalereyasında keçirilib.
Ziyarətçilər həmçinin İngiltərənin şimalında nümayiş etdirilməyən nadir Quranları da görə bilərlər, ən qədimi eramızın 9-cu əsrinə aiddir.
Sərgi aprelin 27-dək davam edəcək. Sərgidə Britaniya Kitabxanasının ərəb və urdu kolleksiyalarından və Bradford Bölgəsi Muzeyləri və Qalereyaları kolleksiyasından əsərlər nümayiş etdirilir.
Sərgi dünya çempionu boksçu Tasif Xan, boks akademiyasının üzvləri və Bredfordlu xəttat Ridvan Əl-Hak ilə birgə təşkil olunub.
Sərgidə nümayiş etdirilən əsərlər arasında 14-cü əsrə aid tamamilə qızılla örtülmüş orijinal Olcayto Quranı və miladi 1590-cı ilə aid Gücri ləhcəsində sufi şeirinin əlyazma nüsxəsi var.
Bradford sərgisinin direktoru Şəhnaz Qolzar, xəttatlığın mədəniyyətlər arasında körpü olduğunu və ziyarətçilərin Bitanya Kitabxanası və Cartwright İncəsənət Qalereyasının inanılmaz kolleksiyaları ilə mümkün olan bu yenilikçi layihə vasitəsilə gözəl xəttatlığın dərinliyini kəşf edə biləcəklərini söylədi.
4261057
