Əlcəzair Böyük Məscidi, Ramazan Quran tilavətlərinə ev sahibliyi edir
"awras.com"-un verdiyi məlumata görə, məscidin qəyyumlar şurasından verilən açıqlamaya görə, məsciddə keçiriləcək Quran hifzi və qiraət məclislərinə qeydiyyat məscidin açılışının birinci ildönümü mərasimi ilə eyni vaxtda aparılacaq.
Səlahiyyətlilər məsciddə Quran tilavəti və hifzi proqramlarında iştirak etmək istəyənlərdən cümə günləri istisna olmaqla, həftə içi qeydiyyatdan keçmək üçün məsul şəxslər və məscid imamları ilə əlaqə saxlamalarını istəyib.
Quran təhsili kurslarına ilk qeydiyyat fevralın 15-i şənbə günü başlayıb və fevralın 28-dək davam edəcək. Kurslara bütün yaş qruplarından kişilər və qadınlar yazıla bilər.
Əlcəzair Böyük Məscidi 1500 nəfərlik İslam Elmləri Məktəbinə malikdir.
Məscidin açılışı 2024-cü il fevralın 13-də Əlcəzair Prezidenti Əbdül-Məcid Tabun tərəfindən İslam dünyasının alimləri və şeyxlərinin iştirakı ilə keçirilib.
Məscidin təməlinin birinci ildönümü münasibəti ilə məscidin qəyyumlarından olan Şeyx Məhəmməd Əl-Məmun Əl-Qasimi Əl-Həsəni məscidin müasir dövrün ən böyük İslam strukturlarından biri olduğunu və məscidin din və kimlik uğrunda mübarizə aparan bir ölkənin simvolu olduğunu bildirib.
Şeyx Əl-Həsəni həmçinin deyib: “Bu məscid Əlcəzairin müstəqilliyinin və sabitliyinin bəhrəsidir və İslama əsaslanan Əlcəzair xalqının milli birliyini və kimliyini təcəssüm etdirir”.
4266485
