Eurevision Mahnı Müsabiqəsində İsrailin cinayətləri pisləndi
“İQNA”, “Ərəbi 21” saytına istinadən xəbər verir ki, Bazel 160 milyon tamaşaçıya çatması gözlənilən dünyanın ən böyük canlı musiqi tədbirinin 69-cu buraxılışına ev sahibliyi edir.
Eurovision həftəsi rəsmi olaraq Bazel şəhər meriyası qarşısında açılış mərasimi ilə başlayıb və 37 ölkənin nümayəndə heyəti qarşısında “xoş gəldin” nitqi səsləndirilib.
İştirakçı ölkələrin nümayəndə heyətləri şəhərin meriyasının binasından bir-bir çıxarkən şəhərin küçələrinə salınmış 1,3 kilometr uzunluğunda firuzəyi rəngli xalçanın üzərindən keçərək iştirakçıları salamlayıblar.
Mərasim üçün şəhər meriyasının qarşısına toplaşan minlərlə insan arasında Fələstin tərəfdarı olan çoxlu fəallar da olub.
Fələstin bayraqları daşıyan və İsrailin yarışmadan çıxarılmasını tələb edən etirazçılar İsrail əleyhinə və Fələstin tərəfdarı şüarlar səsləndiriblər.
Nümayişdən sonra polis müdaxilə edərək tədbirdə Fələstin bayrağı tutan iştirakçılardan birini saxlayıb. Onlardan birinin əlində “Soyqırımı təşviq etmək qadağandır”, digəri isə “Qəzza yanarkən biz mahnı oxuyuruq” yazılmış lövhə tutub.
2025 Avroviziya Mahnı Müsabiqəsi öncəsi Bazeldə təhlükəsizlik tədbirləri ən yüksək səviyyəyə çıxarılıb.
Nümayiş iştirakçılarından biri İsrailin bədii tədbirdən təbliğat platforması kimi istifadə etdiyini bildirib və “Bazelin bu məsələyə münasibət bildirməməsi təəssüf doğurur” deyib.
Ötən il İsveçin Malmö şəhərində keçirilən Avroviziya Mahnı Müsabiqəsində qalib gələn İsveçrə təmsilçisi Nemo İsrailin builki tədbirdə iştirakının əleyhinə olduğunu və onun xaric edilməsi çağırışlarını dəstəklədiyini bildirib.
İngiltərədə rəqəmsal nəşr olan “HuffPost”-a danışan müğənni Nemo, mayın 13-də İsveçrənin Bazel şəhərində başlayacaq yarışmada İsrailin varlığını davam etdirməsini dəstəkləmədiklərini bildirib.
İsrailin müsabiqədən kənarlaşdırılması çağırışını dəstəklədiyini bildirən Nemo, “İsrailin hərəkətləri Avroviziya Mahnı Müsabiqəsinin müdafiə etdiyini iddia etdiyi sülh, birlik və insan hüquqlarına hörmət kimi dəyərlərə əsaslı şəkildə ziddir”, deyib.
İsveçrəli müğənni Nemo ötən il Malmödə keçirilən və İsrailə etirazlar və Fələstinə dəstək ilə yadda qalan Eurovision Mahnı Müsabiqəsi ərəfəsində 10 Avropa ölkəsinin nümayəndələrini Qəzzada atəşkəsə çağırıb.
“Eurovision 2025” mahnı müsabiqəsinin birinci yarımfinalı mayın 13-də, ikinci yarımfinalı mayın 15-də, finalı isə mayın 17-də keçiriləcək.
Keçmişdə Eurovision Mahnı Müsabiqəsində iştirak etmiş 70-dən çox müğənni, musiqiçi və bəstəkar İsrailin müsabiqədən kənarlaşdırılmasını tələb ediblər.
4282154
