Livan Hizbullahının baş katibindən Ənsarullah hərəkatı liderinə başsağlığı mesajı
“İQNA”-nın “əl-Məyadin” xəbər şəbəkəsinə istinadən verdiyi məlumata görə, Şeyx NƏim Qasim, Ənsarullah lideri Əbdülməlik Bədrəddin əl-Husiyə göndərdiyi başsağlığı mesajında Yəmən hökumətinin baş nazirinin və bir sıra nazirlərinin İsrail rejimi tərəfindən şəhid edilməsini pisləyərək vurğulayıb: “İsrailin bu təcavüzü düşmənin məğlubiyyətini, vəhşiliyini və insanlığı qanunsuz şəkildə qətlə yetirməsini göstərir.”
Hizbullah baş katibi bu mesajında qeyd edib ki, düşmən bu hücumu ona görə həyata keçirdi ki, silahlı qüvvələr və döyüş meydanında hazır olan mücahid rəhbərlərlə üz-üzə gəlməyə acizdir.
Baş nazir Əhməd Qalib ər-Rəhəvi ötən həftənin cümə axşamı günü avqustun 28-də nazirlərdən bir neçəsi ilə birlikdə İsrail rejiminin hücumunda şəhid olub.
Sionist rejimi, kabinetin fəaliyyətini və icraatını dəyərləndirmək üçün praktiki bir seminar keçirən baş nazir və bir neçə naziri hədəf alıb.
Həmçinin son hücumda bəzi nazirlər də yaralanıblar ki, onların bəzilərinin xəsarətləri yüngül, bəzilərinin isə ağırdır və xüsusi tibbi nəzarət altındadırlar.
4302649
