“İxvanul-müslimin” İsrailin Yəməndəki terror cinayətini pisləyib
“İQNA”-nın “əl-Həqiqə”yə istinadla verdiyi xəbərə görə, “İxvanul-müslimin” İsrailin Sənada Yəmən hökuməti rəsmilərini hədəf alan xain hücumunu pisləyib və onu “dəhşətli cinayət” adlandırıb.
Qrup bəyanatda bildirib ki, “sionist düşmən din, məzhəb və ya irq fərqi qoymadan bölgədə zorakılıq və genişmiqyaslı təcavüz həyata keçirir”.
Bəyanatda həmçinin vurğulanıb ki, “Qəzzəni müdafiə edən və onun yanında dayanan hər kəs həmişə bütün xalq qarşısında borclu olacaq” və Yəmən, Suriya və Livanda Qəzzənin müdafiəsi və dəstəyi uğrunda şərəf meydanlarında şəhid olanların ruhuna Allahın rəhmətini diləyib.
Bəyanatda hökumətlər, xalqlar, siyasi, ideoloji və məzhəbi qüvvələrə də müraciət edilərək “birləşməyə, daxili ixtilafları kənara qoymağa və vahid məqsəd – İsrailin təcavüzünün qarşısını almaq və onu Qəzzəyə və onun mübariz xalqına qarşı başladığı dağıdıcı müharibəni dayandırmağa məcbur etmək – ətrafında bir araya gəlməyə” çağırılıb.
“İxvanul-müslimin” bəyanatının sonunda vurğulanıb ki, Fələstin məsələsi azadlıq, izzət və müstəqilliyə nail olana qədər İslam ümmətini birləşdirəcək əsas məsələ olaraq qalacaq və ümmətin sıralarını təcavüzə qarşı birləşdirməlidir.
Avqustun 28-də işğalçı rejimin Sənaya təşkil etdiyi hava hücumlarında “Əhməd Qalib Nasir ər-Ruhəvi”, Dəyişiklik və Yenidənqurma Hökumətinin baş naziri və onunla birlikdə olan bir neçə nazir şəhid olub.
Yəmən “Ənsarullah”ı bildirib ki, sionist rejimin bu hava hücumlarında həmçinin bir neçə nazir yaralanıb, onların bəzilərinin vəziyyəti orta, bəzilərinin isə ağırdır və hazırda nəzarət altındadırlar.
Yəmən Baş Nazirliyinin ofisi açıqlayıb ki, israilli düşmən baş nazir və bir neçə naziri hökumətin təşkil etdiyi bir təlim seminarında hədəf alıb.
Yəmən Ali Siyasi Şurasının rəhbəri, siyasətçi və hərbçi Mehdi əl-Məşat, baş nazirin sionistlərin hücumlarında şəhid olmasından sonra yayımladığı videomüraciətdə deyib: “Xain düşmən bu faciə ilə bizə dərd yaşatdı, lakin biz intiqam alacağıq və yaralarımızdan qələbə yaradacağıq”.
4302518
