Tunisdə milli Quran tilavəti müsabiqəsi keçirildi
“Mosaïque FM”-in məlumatına görə, Milli Quran Tilavəti və Hədis-Hifz müsabiqəsi avqustun 31-də, Qeyravan şəhərində yerləşən Darul-Quran mərkəzində başlanıb. Bu yarış Qeyravan şəhərində fəaliyyət göstərən Peyğəmbərin (s) mövludunun Beynəlxalq Təqdir Cəmiyyətinin təşəbbüsü və Tunis Milli Quran İttifaqının əməkdaşlığı ilə keçirilir.
Bu müsabiqə, Beynəlxalq Mövlud mərasimlərinin başlanğıcını təşkil etməklə yanaşı, Qeyravan vilayətindən və Qeyravan Quran Cəmiyyətindən çoxsaylı iştirakçının qatıldığı bir tədbir olub.
Onlarla hafiz və Peyğəmbər (s) sünnəsinə maraq göstərən şəxs bu dini tədbirdə iştirak ediblər. Yarış gənclərin bir-biri ilə tanış olması və öz təcrübələrini başqaları ilə bölüşməsi üçün fürsət yaradıb.
Bu dini və elmi tədbir Qeyravanda keçirilən Beynəlxalq Mövlud Festivalının ilk fəaliyyətidir. Festival bir həftə ərzində müxtəlif elmi iclaslar, dini çıxışlar və mədəni tədbirləri əhatə edəcək.
Müsabiqənin açılışı ilə birlikdə Qeyravan şəhəri Peyğəmbərin (s) mövlud bayramının başlanğıcına şahidlik edib və özünü elm, din və İslam irsinin toplanma məkanı, nur və mənəviyyat paytaxtı kimi bir daha təsdiqləyib.
4302827
