Fransanın paytaxtında bir neçə məscidə hörmətsizlik edilib
“İQNA”-nın verdiyi xəbərə görə, “France24” yazıb: “Paris polis rəisi mətbuat konfransında açıqlayıb ki, Paris və onun ətrafındakı bir neçə məscidin yaxınlığında 9 donuz başı aşkarlanıb və bu sayın daha çox ola biləcəyi ehtimal edilir. Bu arada Fransa polisi hadisələrlə bağlı araşdırmaya başlayıb”.
Paris prokurorluğunun məlumatına görə, heyvanların başları məscidlərin qarşısında yerləşdirilib. Fransa Daxili İşlər Nazirliyi isə bu hərəkətləri “amansız” və “tamamilə qəbuledilməz” adlandıraraq pisləyib.
Paris Böyük Məscidinin imamı Şəmsəddin Hafiz bu “İslamofob hərəkətləri” “müsəlmanlara qarşı nifrətin artmasının yeni və kədərli mərhələsi” kimi dəyərləndirib və bu təhlükəli istiqamətə qarşı “maarifləndirmə və milli həmrəyliyə” çağırıb.
Fransa Avropa İttifaqında ən böyük müsəlman icmasının, həmçinin İsrail və ABŞ-dan sonra ən böyük yəhudi icmasının yaşadığı və fəaliyyət göstərdiyi ölkədir. Avropa İttifaqının Əsas Hüquqlar Agentliyinin məlumatına görə, 2023-cü ilin oktyabrında Qəzza müharibəsinin başlanmasından sonra bir neçə Avropa İttifaqı ölkəsi “müsəlmanlara qarşı nifrət”in və “antisemitizmin” artdığını qeyd edib.
4304328
