Sarayevoda “Quran Gecəsi” mərasimi keçirilib
“Muslimsaroundtheworld” xəbər verir ki, bu mərasim hər il keçirilən bir ənənədir. Tədbirdə tələbələr və Quran hafizləri bir araya gəlir, həmçinin İslam Elmləri Fakültəsinin tələbə qiraətçiləri və fakültənin bədii qrupu da iştirak edirlər.
İslam Elmləri Fakültəsinin Tələbə İttifaqının nümayəndəsi Əhməd Odiibaşiç bu barədə deyib: “Bu proqram gənc tələbələrin səylərinin nəticəsidir. Onlar həyatlarının ən dəyərli illərini xeyir işlərə və Allah yolunda fəaliyyətə sərf edirlər.”
O əlavə edib: “Bu proqram, universitetdəki elmi-pedaqoji fəaliyyəti Qurani-Kərimin praktik dəyərləri ilə birləşdirən müəllimlərə minnətdarlığın rəmzidir.”
Eyni zamanda, tələbə və Quran hafizi Məhəmməd Selimoviç bildirib ki, fakültə tələbələr üçün əlverişli və ruhlandırıcı bir mühit yaradır və bu kimi tədbirlər onların dini biliklərini möhkəmləndirməyə, eləcə də sosial əlaqələri gücləndirməyə təşviq edir.
Tədbir iştirakçıları da vurğulayıblar ki, “Quran Gecəsi” Sarayevodakı İslam Elmləri Fakültəsinin tələbələrə verdiyi önəmin, elmi təhsilin dini və tərbiyəvi proqramlarla birləşdirilməsinin bariz nümunəsidir.
4314208
