Misirin “Dövlət Tilavəti” proqramında ustad əl-Husrinin yad edilməsi
“Əl-Vətən” xəbər portalının məlumatına görə, “Dövlət Tilavəti” proqramı ustad Şeyx Mahmud Xəlil əl-Husrini tanıdan bir reportajı məşhur sənətçi və media siması olan İsad Yunisin təqdimatında tamaşaçılara təqdim edib.
Reportajda deyilir ki, əl-Husri Misirin Qərbi (Ğarbiyə) vilayətinə bağlı “Şubra ən-Namlə” kəndində dünyaya gəlib. O, 10 yaşında Qurani-Kərimin bütün mətnini əzbərləyib. “əl-Husri” adı ona atasının həsirçilik (həsir toxuma) sahəsində çalışdığına görə verilib.
Onun Quran yolculuğu Tanta şəhərindəki Sidi Əhməd əl-Bədəvi mədrəsəsində başlayıb. Daha sonra 1944-cü ildə Misir Radiosuna qoşulub və tilavət, nəzarət və təshih sahəsində Qurana xidmət göstərməyə başlayıb. Onun ən mühüm nailiyyəti Qurani-Kərimin tərtillə oxunuşunun səsyazması olub ki, bu da ilk dəfə 1961-ci il sentyabrın 18-də, bazar ertəsi günü yayımlanıb.
Reportajda əlavə edilir ki, bu nailiyyət Misirin dünyaya hədiyyəsi idi. Bu çərçivədə Şeyx Husrinin 44 min ədəd Qurani-Kərim mürəttəl səsyazması CD formasında çoxaldılaraq dünyanın müxtəlif paytaxtlarına, həmçinin YUNESKO və ABŞ Konqresinə göndərilib.
Qeyd edək ki, “Dövlət Tilavəti” proqramı Misirdə Qurani-Kərimin tilavət və təcvidi üzrə ən böyük istedad yarışmasıdır. Proqram Misir Vəqflər Nazirliyi və “əl-Mütəhiddə” Media Xidmətləri Şirkətinin əməkdaşlığı ilə hazırlanıb və ölkənin müxtəlif bölgələrindən olan üstün səs və tilavət sahiblərini tanıdmağı hədəfləyir.
Bu proqram dünən — 14 noyabr 2025-ci il tarixindən etibarən əl-Həyat, CBC, ən-Nas, Misr Qur’an Kərim telekanalları və “watch it” platforması vasitəsilə yayımlanmağa başlayıb.
İştirakçıların qiymətləndirilməsi bir neçə mərhələdə aparılıb və Misir Vəqflər Nazirliyinin elmi–ixtisaslaşdırılmış komitəsinin, o cümlədən nazır Usamə əl-Əzhərinin rəhbərliyi ilə 32 nəfər final mərhələsinə vəsiqə qazanıb.
4316944
