İstanbul İbn Xəldun Universitetinin müəllimi: “Süni intellekt texnologiyaları halal sənayesini gücləndirir”
“İQNA”-nın “Anadolu” agentliyinə istinadən verdiyi xəbərə görə, Fatimə Onay İstanbulda keçirilən "Halal Expo 2025" beynəlxalq ticarət sərgisi və 11-ci Qlobal Halal Zirvəsi çərçivəsində təşkil olunan “Halal Sənayesində Rəqəmsal Transformasiya” adlı iclasda deyib: “Süni intellektə əsaslanan texnologiyaların qlobal halal bazarında tətbiqi qida, kosmetika, maliyyə, turizm, logistika xidmətləri, dərman və geyim kimi sahələri dəstəkləyir”.
O həmçinin qeyd edib ki, halal tekstil sənayesində də süni intellektin istifadəsi getdikcə daha vacib olur. Çünki istehlakçıların mədəni və dini həssaslıqları dərin araşdırmalar aparılmasını tələb edir.
Halal qida üzrə 11-ci sərgi və qlobal zirvə 26–29 noyabr tarixlərində Türkiyə Prezidentliyinin ev sahibliyi, İslam Əməkdaşlıq Təşkilatı, Türkiyə Ticarət Nazirliyi, Halal Akkreditasiya Agentliyi və digər qurumların əməkdaşlığı ilə İstanbulda keçirilir.
Tədbir halal qida sənayesinin gücləndirilməsini innovasiya yolu ilə, standartların yüksəldilməsi və dəyəri 8 trilyon dollardan çox olan bazarın potensialından istifadə etməklə hədəfləyir.
4319586
