Atəşkəs xətti ərazisində fələstinlilərin qətli müharibə cinayətidir
“İQNA”-nın “Əl-Aləm”-ə istinadən verdiyi xəbərə görə, BMT-nin İnsan Haqları Ofisi açıqlayıb ki, oktyabr ayında atəşkəs elan edildikdən sonra İsrail rejimi tərəfindən öldürülən fələstinlilərin təxminən üçdə biri bu rejimin ordusunun Həmasla atəşkəs xəttinə yaxın ərazilərdə həyatını itirib; bu məsələ sionist qüvvələrin sadəcə həmin ərazilərə yaxınlaşdıqları üçün mülki şəxslərə atəş açması ehtimalı ilə bağlı narahatlıqları artırıb.
Ofis vurğulayıb ki, bu cür hərəkətlər qanunsuz qətl və nəticədə müharibə cinayətidir. Atəşkəs xətti yaxınlığında öz qüvvələrinin atəş açmasının məqsədini silahlıların təhdidlərinin qarşısını almaq kimi izah edən sionist rejimin ordusu bu ittihamlara hələlik ani reaksiya verməyib.
Sionist rejim atəşkəs elan edildikdən sonra Həmasla sərhədi yerdə boşluqlarla qoyulmuş beton bloklarla işarələnmiş "Sarı Xətt" vasitəsilə müəyyənləşdirib. Sionist qüvvələr bu xəttin şərqində yerləşməyə davam edir, Həmas isə sahil zolağına nəzarəti əlində saxlayır.
4354811
