Həmasın Qəzzada 20 fələstinlinin şəhadətindən sonra atəşkəs razılaşmasının dağılması xəbərdarlığı
“İQNA”-nin “Əl-Aləm”-ə istinadən verdiyi xəbərə görə, Həmas hərəkatı bəyanatında son 48 saat ərzində 20 fələstlinin şəhadətinə səbəb olan Sionist rejimin hava hücumlarının intensivləşdiyinə işarə edib və ABŞ hökumətini işğalçı rejimin razılaşmanı pozmasını pisləyən aydın bəyanat verməyə çağırıb.
Həmas bu bəyanatında Qəzzadakı atəşkəs razılaşmasının sionist rejimin cinayətləri və bu işğalçı rejimin davamlı vəhşi pozuntuları nəticəsində dağılma təhlükəsi ilə üzləşdiyini vurğulayıb.
İsrail rejiminin çərşənbə axşamı yaşayış binasına təşkil etdiyi hava hücumu nəticəsində 2-si uşaq və 2-si qadın olmaqla 10 fələstinli şəhid olub, onlarla mülki şəxs yaralanıb.
Həmas bu hava hücumunu yeni bir cinayət və Şarm əş-Şeyxdə imzalanmış atəşkəs razılaşmasının daha bir açıq şəkildə pozulması kimi dəyərləndirib.
Bu hava hücumunda Qəzza şəhərində Əzəddin əl-Qəssam Briqadalarının komandir müavini Əbu Həsən kimi tanınan İmad Əslim şəhid edilib.
Zeytun bölgəsinin komandiri olan Əslim, Qəzza şəhərinin cənub-şərqində cümə axşamı axşam bu hava hücumunda həlak olan digər 9 şəhidlə birlikdə həmin şəhərdə torpağa tapşırılıb.
Həmas hərəkatı vurğulayıb ki, İsrailin hücumlarının artması bu rejimin zamin ölkələrin səylərinə və onların atəşkəs razılaşmasını həyata keçirmək üçün verdikləri bütün təminat və öhdəliklərə məhəl qoyulmadığı bir şəraitdə vəhşi soyqırım müharibəsinə qayıtmaq niyyətini göstərir.
Sionist rejimin Qəzzaya hücumlarının artması
İsrail rejiminin ordusu son iki həftə ərzində Qəzza zolağına hava hücumlarını intensivləşdirib və iddia edir ki, Həmasın Qəzza zolağındakı hərbi komandirlərini hədəf alır.
Həmas razılaşmanın birinci mərhələsindən qalan müddəaların icrasını tələb edir ki, bunlara düşmənçiliklərin tamamilə dayandırılması və Yaşıl Xəttin arxasına çəkilmə, 600 yük maşını yardımın daxil olması, Rəfah keçidinin insanların, malların və yardımların daxil olması üçün açılması, dağıntıların yığışdırılması üçün ağır texnikanın daxil olması və bölgənin idarəsini öz üzərinə götürmək üçün Milli Komitənin sədri və üzvlərinin Qəzzaya daxil olmasına icazə verilməsi daxildir.
Buna qarşılıq olaraq, sionist rejim iddia edir ki, razılaşmanın hər hansı müddəasının icrası, ilk növbədə, Həmasın və Qəzzadakı digər silahlı Fələstin qruplarının tərksilah edilməsindən asılıdır.
İsrail rejiminin Qəzza zolağından tədricən çəkilməsi ilə yanaşı, silah məsələsi Qəzza atəşkəs razılaşmasının ikinci mərhələsində əsas şərtdir.
Bu arada, Birləşmiş Millətlər Təşkilatı İsrail rejimi ordusu tərəfindən "Sarı Xətt"ə yaxın ərazilərdə fələstinlilərin qətlə yetirilməsindən narahatlığını ifadə edib.
4354885
