Bosniya və Herseqovinanın “Kakani” şəhərində Quran Gecəsi
“İQNA”-nın Sarayevodan verdiyi xəbərə görə, müxtəlif təbəqələrdən insanların geniş iştirakı və böyük marağı səbəbindən tədbir zalı tamamilə dolmuş, bir sıra iştirakçılar isə proqramı zalın girişlərindən izləyiblər.
Bu dini-mədəni tədbir əvvəlki illərdə olduğu kimi Kakani bələdiyyəsinin maliyyə dəstəyi ilə təşkil olunub ki, bu da onun yerli cəmiyyət və daha geniş miqyasda əhəmiyyətini göstərir.
Proqramın əvvəlində Kakani İslam Cəmiyyəti Məclisinin imamı və baş imamı Zakir Əfəndi Lyuboviç qonaqları və müxtəlif ölkələrdən gələn iştirakçıları salamlayaraq Quranın dini və mədəni kimliyin möhkəmlənməsindəki əsas roluna diqqət çəkib.
Mərasimdə bir sıra tanınmış Qur’an qariləri tilavət ediblər. Onların arasında İran İslam Respublikasından Hadi Əsfidani, Türkiyədən Hafiz Cəfər Akbay, Xorvatiyadan qari və hafiz Əziz Elili, Bosniya və Herseqovinadan Hafiz Niyaz Ağanhojiç və Sloveniyadan Hafiz Əhməd Elili yer alıb.
Tədbirin xüsusi məruzəçisi Sarayevo Universiteti İslam Elmləri Fakültəsinin dekanı Mustafa Hasani olub. O, çıxışında Quranın mesajlarının müasir cəmiyyət kontekstində yenidən oxunmasının zəruriliyini vurğulayıb.
Bundan əlavə, Kakani İslam Cəmiyyəti Şurasının imamlarının təlif qrupu və Hafiz Macid Ağanhojiç proqramda iştirak ediblər. Yekun dua isə bu mərasimin təşəbbüskarı və qurucusu Süleyman Əfəndi Çelikoviç tərəfindən oxunub.
Qeyd etmək lazımdır ki, Kakani şəhərində Quran gecəsi köklü bir ənənədir və hər il miladi ilin son günündə keçirilir.
4326667
