Qətərdə “Katara” beynəlxalq Quran müsabiqəsinin final mərhələsinə 100 qari yüksəldi
“İQNA”-nın “mshireb” portalına istinadən verdiyi məlumata görə, fond bildirib ki, final mərhələsinə yüksələn iştirakçılar 20 ölkəni təmsil edir: 9 ərəb ölkəsi və 11 qeyri‑ərəb ölkəsi. Ərəb ölkələrindən 53, qeyri‑ərəb ölkələrindən isə 47 iştirakçı növbəti mərhələyə keçib.
Ərəb iştirakçıların bölgüsü belədir: Misirdən 18 nəfər, Mərakeşdən 17 nəfər, İraqdan 9 nəfər, Liviyadan, Suriyadan və Livandan 2 nəfər, Səudiyyə Ərəbistanı, Əlcəzair və Yəməndən isə hərəsindən 1 nəfər.
Finala vəsiqə qazanan 100 iştirakçı ilkin mərhələdə 20 televiziya buraxılışında yarışacaq. Hər buraxılışda 5 iştirakçı çıxış edəcək və yalnız biri yarımfinala yüksələcək. Yarımfinalda ümumilikdə 20 iştirakçı olacaq.
Bundan əlavə, ehtiyat siyahısından 5 nəfər daha seçilərək 5 əlavə buraxılışa daxil ediləcək. Hər buraxılışda 5 iştirakçı yarışacaq və onlardan biri final mərhələsinə yüksələcək.
Son buraxılışda birinci yerdən beşinci yerə qədər qaliblər elan olunacaq. Müsabiqənin buraxılışları Qətər Televiziyasının əməkdaşlığı ilə mübarək Ramazan ayında xüsusi proqram çərçivəsində yayımlanacaq.
4333269
