Türkiyənin Bakıda ehtiyaclı oruc tutanlara ərzaq paylaması
“İQNA”-nın “Anadolu” Agentliyinə istinadən verdiyi məlumata görə, bu proqram Türkiyənin Bakdakı səfirliyinin Din Xidmətləri Müşavirliyi ilə əməkdaşlıq çərçivəsində həyata keçirilib və tədbirdə Türkiyə Diyanət Vəqfinin baş direktor müavini Rəcəb Şükri Balkan, Türkiyənin Bakdakı Din Xidmətləri müşaviri İhsan Açık, vəqf könüllüləri və vətəndaşlar iştirak ediblər.
Balkan jurnalistlərə açıqlamasında bildirib: Türkiyə Diyanət Vəqfi Ramazan ayında dünyanın bütün məhrum bölgələrinə çatmağa çalışır.
O əlavə edib ki, bu il 86 bölgədə 228 mindən çox ərzaq bağlamasının paylanması planlaşdırılıb və bu yardımlar vəqfin əməkdaşları və könüllüləri vasitəsilə həyata keçirilir.
Balkan Ramazanın həmrəylik və birlik ayı olduğunu vurğulayaraq deyib: İslam qardaşlığının və rəhmətin zirvəyə çatdığı bu ayda biz xeyriyyəçilərin əmanətlərini ehtiyac sahiblərinə çatdırmaq üçün bir körpü rolunu oynayırıq.
İhsan Açık da bildirib ki, ərzaq bağlamaları Bakı, Gəncə və Saatlı bölgələrində paylanacaq.
O həmçinin həmrəyliyin əhəmiyyətinə toxunaraq deyib: Arzumuz budur ki, çörəyi bölüşməklə yanaşı, dualar da bir-birinə çatsın. Ümid edirik ki, heç bir qardaşımız iftar və obaşdan vaxtı yemək dərdi çəkməsin.
4336725
