Həmasın Əli Laricaninin şəhadəti ilə bağlı başsağlığı mesajı
“İQNA”-nın “əl-Arabi əl-Cədid”ə istinadən verdiyi xəbərə görə, Həmas hərəkatı yayımladığı bəyanatda Əli Laricaninin şəhadətinə görə başsağlığı bildirib.
Mesajın mətni belədir:
Bismillahir-Rahmənir-Rahim
Biz, İslam Müqavimət Hərəkatı (Həmas), İran İslam Respublikasına, onun rəhbərliyinə və xalqına Ali Milli Təhlükəsizlik Şurasının katibi cənab Əli Laricaninin, övladının və bir neçə yoldaşının sionistlərin xəyanətkar bombardmanı və Tehrana — İranın paytaxtına — açıq hücumu nəticəsində şəhadətə çatması münasibətilə başsağlığı və dərin hüznümüzü bildiririk.
Biz sionist–amerikan təcavüzünə məruz qalan İran İslam Respublikası ilə həmrəyliyimizi bir daha vurğulayırıq və bildiririk ki, bu təcavüzün davamı bütün regionu hədəfə alan və onun təhlükəsizliyini, sabitliyini təhdid edən bir cinayətdir. ABŞ hökuməti və faşist işğalçı rejim bu təhlükəli nəticələrin məsuliyyətini daşıyır.
Cənab Əli Laricaninin və sionist–amerikan vəhşi təcavüzünün bütün şəhidlərinin matəmində dayanaraq, Fələstin məsələsinə və xalqımızın qanuni hüquqlarına verdiyi şərəfli dəstəyə görə ona dərin ehtiramımızı bildiririk. Uca Allahdan onun üçün geniş rəhmət diləyir, ailəsinə, qardaşına və bütün xeyirxah yaxınlarına səbir və dözüm arzulayırıq.
Fələstin İslam Müqavimət Hərəkatı — Həmas
4341565
