Əkrəm əl-Kəbi: Müqavimət işğalçıların qovulmasına qədər davam edəcək
“İQNA”-nın “Nücəba” hərəkatının media ofisinə istinadən verdiyi xəbərə görə, hərəkatın baş katibi Şeyx Əkrəm əl-Kəbi bu gün, çərşənbə günü yaydığı bəyanatda bildirib: işğalçı tərəf düşünür ki, İraqın suverenliyini davamlı şəkildə pozmaqla və açıq-aşkar təcavüzlərlə İraq İslam Müqavimətinin azadlıq uğrunda qanuni mübarizəsini yayındıra, dayandıra və ya zəiflədə bilər.
Əl-Kəbi xatırladıb ki, “müqavimət 2003-cü ildən sonra səkkiz il ərzində cinayətkar işğala qarşı mübarizə apardı və bu dövrdən daha güclü, daha təcrübəli və daha bacarıqlı şəkildə çıxdı.” O deyib: həmin vaxt işğalçı tərəf ölkənin torpağını və səmasını tam nəzarətə götürmüş, böyük imkanlar gətirmişdi, lakin buna baxmayaraq, müqaviməti məhv edə və ya təslim edə bilmədi; əksinə, məğlub oldu və hərbi hücumlar qarşısında İraqdan qaçdı və öz qaçışını pərdələmək üçün rüsvayçı bir razılaşma ilə bunu ört-basdır etdi.
Nücəba hərəkatının baş katibi əlavə edib: düşmən məhz buna görə qaçışından sonra müqavimətlə bacarmadığı üçün İraqı dağıtmaq və yenidən işğal üçün zəmin yaratmaq məqsədilə İŞİD layihəsini işə saldı. Lakin çoxsaylı və güclü müqavimət qrupları bu layihəni asanlıqla puça çıxardı və işğalçının müstəmləkəçi planını bir daha darmadağın etdi.
O, sonda vurğulayıb: bu müqavimət bu gün də davam edir və işğalçını ölkədən çıxarmaq, İraqı tam azad etmək və əlindən alınmış suverenliyi bərpa etmək üçün əməliyyatlar həyata keçirir.
4341468
