Livan cəbhəsində sionist hərbçilərin son itki statistikası
“İQNA”-nıın “Əxbar əl-Yəvm”ə istinadən verdiyi xəbərə görə, İsrail ordusu elan edib ki, Livanda hərbi əməliyyatların başlanmasından bəri 15 əsgər həlak olub və 650-dən çox hərbçi yaralanıb. Bu rəqəmlər bölgədə gərginliyin hələ də davam etdiyi bir vaxtda açıqlanıb.
Ordunun sözçüsü bildirib ki, ehtiyat zabiti, 31 yaşlı Lidor Burat Cənubi Livanda baş verən bomba partlayışında həlak olub. Həmin partlayışda 9 əsgər də yaralanıb.
İsrail ordusunun məlumatına görə:
- Burat 769-cu regional briqadanın 7106-cı batalyonuna mənsub idi.
- O, İsrail ordusuna məxsus mühəndislik maşınının Hizbullah tərəfindən əraziyə yerləşdirilmiş partlayıcı qurğu ilə toqquşması nəticəsində həyatını itirib.
- Hadisə zamanı ərazini təhlükəsizləşdirməklə məşğul olan digər döyüşçülər də yaralanıb.
Ordunun açıqlamasına əsasən:
- Hadisədə 1 əsgər həlak olub,
- 9 nəfər yaralanıb — onlardan biri ağır, dördü orta, dördü isə yüngül xəsarət alıb və xəstəxanaya yerləşdirilib.
İsrail ordusu partlayıcının nə vaxt yerləşdirildiyini araşdırmaqda davam edir.
Sionist rejimin müdafiə naziri Yisrael Katz da açıqlama verərək bildirib:
- “Cənubi Livanda həlak olan əsgər üçün matəm tuturuq və İsrail vətəndaşlarının təhlükəsizliyini təmin etmək üçün təhdidlərin aradan qaldırılması istiqamətində səylərimizi davam etdirəcəyik.”
Digər tərəfdən, Maariv qəzeti hərbi və siyasi mənbələrə istinadən yazıb ki, ordu atəşkəsin çökməsi ehtimalına qarşı yüksək hazırlıq vəziyyətinə gətirilib.
4347331
