Dünya qaniçən İsrail terrorçularının qarşısında dayanmalıdır
Anadolu Agentliyinin "İQNA"-ya istinadən verdiyi məlumata görə, İordan çayının qərb sahilində cümə günü baş verən ölümcül zorakılıqlardan sonra, BMT-nin Fələstinin işğal olunmuş ərazilərində insan hüquqları üzrə xüsusi məruzəçisi Françeska Albanez "X" sosial şəbəkəsində yazıb: "Xəbərdarlıq! İordan çayının qərb sahili boyunca, xüsusilə şimal bölgələrdə və Nablusda şiddətli hücumlar qeydə alınıb".
O, İsrail hərbçilərinin dəstəyi ilə hərəkət edən məskunlaşan qrupların, yəni terrorçuların sözün əsl mənasında qan tökülməsini tələb etdiklərini bəyan edib.
Albanez dünya ölkələrini işğal altındakı İordan çayının qərb sahilindəki fələstinli mülki şəxsləri qorumaq üçün mühafizə qüvvələri yerləşdirməyə çağırıb.
O, həmçinin sionistlərin sosial platformalarında yayılan bir şəkli də paylaşıb. Bu şəkildə ibrani dilində olan və ingiliscəyə tərcümə edilən mətndə deyilirdi: "Biz qisas istəyirik. Yeni qəsəbələr yox, yeni yaşayış məntəqələri vədləri yox. Biz qan görmək istəyirik. Qisas olmadan təsəlli yoxdur".
Onun xəbərdarlığı, insan hüquqları təşkilatlarının, o cümlədən İsrail qruplarının beynəlxalq ictimaiyyəti məskunlaşanların və sionist rejim ordusunun İordan çayının qərb sahilindəki fələstinlilərə qarşı hücumlarını dərhal dayandırmaq üçün müdaxilə etməyə çağırmasından saatlar sonra yayımlanıb.
Bu çağırışlar, işğalçı sionistlərin ordu qüvvələrinin dəstəyi ilə Nablus yaxınlığındakı Tel şəhərinə hücumundan sonra səsləndirilib; fələstinli və israilli rəsmilərin məlumatına görə, bu hücum nəticəsində dörd fələstinli şəhid olub, bir sionist məskunlaşan və bir əsgər də ölüb.
Cümə günü səhər, iyulun 25-də İsrailin baş naziri Binyamin Netanyahu və müharibə naziri İsrail Katz işğal altındakı İordan çayının qərb sahilindəki fələstinli kəndlərdə "genişmiqyaslı hərbi əməliyyat" keçirilməsi barədə əmr veriblər.
Anadolu Agentliyinin müxbirlərinin məlumatına görə, sionist məskunlaşanlar da Nablus əyalətinin Surra və Urif kəndlərinə hücum edərək fələstinlilərin evlərini və əmlaklarını yandırıblar, yerli sakinlər isə daş ataraq onlara müqavimət göstəriblər.
İşğal altındakı İordan çayının qərb sahilində zorakılıq 2023-cü ilin oktyabrında Qəzzaya qarşı soyqırım müharibəsinin başlamasından bəri güclənib. Fələstin mənbələrinin rəsmi statistikasına görə, bu müddət ərzində azı 1182 fələstinli şəhid olub, minlərlə insan yaralanıb və 24 minə yaxın insan həbs edilib.
4365967
