Afrikada Quran müəllimlərinə dəstək layihəsinin icrası
"Əl-Furqan"a istinadən "İQNA"-nın məlumatına görə, bu cəmiyyət Quran-i Kərimə xidmət etmək, Quran əzbərləmə dərnəklərini dəstəkləmək və gələcək nəsilləri Allahın kitabını əzbərləməyə, oxumağa və dərk etməyə hazırlamaq istiqamətindəki davamlı səylərinin bir hissəsi olaraq, bir neçə Afrika ölkəsində Quran müəllimlərinə dəstək layihəsinə start verib.
Bu layihənin məqsədi Quran müəllimləri üçün lazımi maddi dəstəyi təmin etmək, əzbərləmə dərnəklərinin davamlılığına və genişlənməsinə kömək etmək, eləcə də minlərlə şagirdin İslam dəyərlərini və gözəl əxlaqı təşviq edən davamlı bir təhsil mühitində bu dərnəklərə yazılması üçün imkanlar yaratmaqdır.
Cəmiyyət bəyan edib: "Quran təliminə sərmayə qoymaq ən böyük xeyirxah əməllərdən və ən qalıcı sədəqələrdəndir. Çünki onun faydası həm müəllimlərə, həm də Quran tələbələrinə çatır və Allahın kitabına sarılaraq onun təlimlərinə əməl edən, başqalarını da buna dəvət edən bir nəslin yetişməsinə kömək edir."
"Afaq əl-Xeyr" xeyriyyəçiləri və ehsan sahiblərini bu layihəyə dəstək verməyə çağırıb. Çünki bu addım Quranın nurunun yayılmasında, Afrika cəmiyyətlərində iman dəyərlərinin möhkəmlənməsində və davamlı savab qazanılmasında böyük təsirə malikdir.
Bu layihə Küveytin "Afaq əl-Xeyr" cəmiyyətinin Afrikanın bir sıra ölkələrində həyata keçirdiyi Quran və təhsil proqramları çərçivəsində icra olunur. Cəmiyyət bu kimi layihələrlə dini biliklərin yayılması, Allahın kitabına xidmət və ehtiyacı olan bölgələrdə əzbərləmə dərnəklərinin dəstəklənməsi missiyasını yerinə yetirməyə çalışır.
4366914
