"İQNA"-nın "Əl-Ərəb fi Britaniya"-ya istinadən verdiyi məlumata görə, İngiltərə son dərəcə quraq bir yay mövsümü keçirir. Rəsmilər ölkə ərazisinin təxminən 71,3 faizinin quraqlıqdan təsirləndiyini və milyonlarla insanın su istifadəsinə məhdudiyyətlər qoyulan bölgələrdə yaşadığını bildiriblər.

Məlumatlara görə, İngiltərə son 190 ilə yaxın müddətdə ən az yağıntı və kəskin temperatur artımı səbəbindən ən quraq iyul ayını yaşayıb. Bu vəziyyət çayların və su anbarlarının səviyyəsinin azalmasına, eləcə də su istifadəsində məhdudiyyətlərin tətbiqinə səbəb olub.

Bu böhrana cavab olaraq, müsəlman alimlər məscid imamlarına çağırış ediblər ki, avqustun 16-dan etibarən bütün Britaniya ərazisində yağış namazını qılsınlar, cümə xütbələrində yağış üçün dua etsinlər və bu namazı açıq havada təşkil etsinlər.

Mütəxəssislər vurğulayıblar ki, quraqlıqla mübarizə təkcə mənəvi sahə ilə məhdudlaşmır; bu, həm də hökumətin su istehlakının rasionallaşdırılması çağırışlarına uyğun olaraq, suyun israf edilməməsini və təbii sərvətlərin qorunmasını tələb edir.

Onlar qeyd ediblər ki, bu böhran praktik məsuliyyət hissi və ətraf mühitin məsuliyyətlə qorunması ilə yanaşı, həm də yağışların yenidən yağacağına, su ehtiyatlarının və kənd təsərrüfatının qorunacağına ümid edərək Allah qarşısında təvazökarlığı tələb edir.

4369960