Wani masani dan Kashmiri ya rubuta Alqur'ani akan wani takarda mai tsayin mita 500
Mustafa bin Jameel mai shekaru 27 da haihuwa ya baje kolin aikinsa ta hanyar faifan bidiyo, yayin da iyalansa ke murnar nasarar Mustafa.
Mustafa ya bayyanawa kafafen yada labarai na kasar cewa ya kwashe watanni bakwai yana rubuta kur’ani kuma a wannan lokacin ya yi amfani da alkalami na musamman da takarda gram 85 da ya kawo daga Delhi.
Da wannan nasara da ba kasafai aka samu ba, Mustafa ya samu damar yin rijistar wani sabon tarihi a cikin littafin Lincoln Book of Records, kungiyar da ke da alaka da zakulo mutane masu hazaka da inganta kwarewarsu a kan dandamali na kasa da kasa.
Ya ce: Bayan da na kasa samun shaidar kammala karatun sakandare saboda raunin da nake yi a fannin lissafi, kuma ‘yan uwana da mutanen kauye suna yi mini ba’a, sai na fara koyon sana’o’i.
Mustafa, wanda ya fito daga Kwarin Gurz da ke gundumar Bandibura a arewacin Kashmir, ya ce: "Na sami damar rubuta kur'ani ba tare da ja-gorancin wani kwararren mai ba da shawara ba, shi ya sa ya dauki lokaci mai tsawo."
Lincoln Records yana darajar basirar mutum kuma yana tallafa musu ta hanyar ƙirƙirar dandali na duniya don ƙwararrun basira a kowane fanni kamar ilimi, fasaha, kimiyya, adabi da wasanni.
