IQNA

Yahudawa sun keta alfarmar masallacin Annabi Ibrahim (AS)

16:25 - October 03, 2022
Lambar Labari: 3487950
Tehran (IQNA) A daren jiya ne daruruwan yahudawan sahyoniyawan suka shiga harabar masallacin Annabi Ibrahim (AS) da ke madinatul Khalil a Falastinu, inda suka wulakanta wannan wuri mai tsarki tare da harzuka al'ummar Palastinu ta hanyar kade-kade da raye-raye.

Kamfanin dillancin labaran kur’ani na iqna ya habarta cewa, ya nakalto daga shafin sadarwa na yanar gizo na kasar Rasha Al-Yum cewa, a daren jiya daruruwan yahudawan sahyoniyawan sun wulakanta wannan wuri mai tsarki a ranar jiya Lahadi, ta hanyar shiga harabar masallacin annabi Ibrahim ba bisa ka’ida ba bisa ka’ida na bukukuwan Yahudawa.

Mazauna yahudawan sahyoniya, wasu gungunsu ne suka shiga masallacin Ibrahimi da kayan kidansu, inda suka yi kade-kade da wake-wake, wasu kuma na rawa da ita.

Wani rukuni na sahyoniyawa mazauna kuma suna yin al'adun Talmudic.

Tun a ranar Lahadin makon da ya gabata ne dai mahukuntan yahudawan sahyuniya suka rufe wurin ibadar Ibrahimi bisa dalilin bukukuwan Yahudawa.

Har ila yau, yahudawan sahyuniya 'yan kaka gida suna ci gaba da kai hari a Masallacin Al-Aqsa tun a makon da ya gabata, a daidai lokacin da aka fara bukukuwan Yahudawa.

 

4089413

 

 

Abubuwan Da Ya Shafa: yahudawa ، keta alfarma ، masallacin annabi Ibrahim ، daruruwa ، sadarwa
Suna:
Adireshin Email:
* Ra'ayinka:
captcha