Firaministan Malaysia ya kare batun kasafin kudi dala miliyan 2 don gudanar da ayyukan kur'ani
Kamfanin dillancin labaran iqna ya habarta cewa, ya nakalto daga shafin sadarwa na yanar gizo na Star cewa, kasar Malaysia ta ware sama da dala miliyan biyu a cikin kasafin kudin shekarar 2023 domin magance kyamar addinin musulunci ta hanyar tarjama da buga kur’ani a harsuna da dama da kuma rarraba shi a kasashe daban-daban.
Daga cikin kwafin da za a buga ta hanyar wannan aikin, za a aika da fassarar kur'ani ta Sweden ta farko zuwa wannan kasa; inda a kwanan baya wani dan siyasa na hannun dama ya kona Littafi Mai Tsarki na musulmi sau da dama.
Shirin na ringgit miliyan 10 (dalar Amurka miliyan 2.2) yana da nufin samar da kyakkyawar fahimtar addinin Musulunci, Firayim Ministan Malaysia Anwar Ibrahim ya shaida wa manema labarai bayan wani taron da aka kira "Taron kasa da kasa kan kyamar Musulunci" a Putrajaya, hedkwatar gudanarwar kasar.
Da yake jawabi ga 'yan jarida, ya tambayi dalilin da yasa batun buga kwafi 20,000 a cikin harshen Sweden da kuma wasu harsunan don fahimtar addinin Musulunci ya zama cece-kuce. Ya ce: Dole ne mu fassara kur'ani don kara wayar da kan mutane kan zurfin ma'anar addinin Musulunci. Fassarorinsa, buguwa da rarrabawa sun nuna hikima da balaga ga hare-haren da ba dole ba a kan Musulunci.
Dan siyasar Sweden-Danish Rasmus Paludan ya fito fili ya kona kur'ani a Sweden a watan da ya gabata. Anwar ya yi Allah wadai da wadannan ayyuka, ya kuma ce yaki da kyamar Musulunci yana bukatar tarbiyyar wadanda ba musulmi ba.
Kamar yadda kafafen yada labarai na kasar suka bayyana, Anwar ya ce a wajen bukin kaddamar da wannan tarjamar: Eh, ya kamata mu yi zanga-zanga, amma kuma yana da muhimmanci mu kasance da namu fahimtar kuma mu yi iya kokarinmu wajen ganin cewa sakon kur’ani yana raye.
Joachim Bergstrom, jakadan kasar Sweden a Malaysia, ya yi maraba da kalaman Anwar Ibrahim, ya kuma ce: "Ni da kaina na yi farin ciki da cewa kur'ani mai muhimmanci na duniya, zai kasance a cikin kasata ta haihuwa da kuma Turai."
Ya kara da cewa: Har ma ina da kwafin Alqur'ani da yawa. Na shafe shekaru da dama na rayuwata ina rayuwa da aiki a duniyar Musulunci, ciki har da aiki a matsayin wakilin Sweden na musamman kan yaki da kyamar Musulunci tsakanin 2016 zuwa 2021, kuma na yi imanin cewa ilimi da tattaunawa hanya ce ta inganta fahimta da zaman lafiya.
