Biki mafi kyawu na gasar kur'ani ta kasa da kasa a birnin Moscow
A rahoton tashar Russia Today, birnin Moscow ya karbi bakuncin gasar kur'ani ta kasa da kasa karo na 22 daga ranar 6 zuwa 8 ga watan Nuwamba, wanda ake daukarsa a matsayin daya daga cikin manya-manyan al'adu da addini a kasashen musulmi.
Sashen ruhi na musulmin tarayyar Rasha ne ya shirya wannan gasa tare da halartar ma'aikatar Awka da harkokin addinin musulunci ta kasar Qatar, mahalarta taron daga kasashe sama da 30 na duniya sun baje kolin iliminsu da kwarewarsu wajen haddar kur'ani mai tsarki.
A wannan gasa, Sohaib Muhammad Abdul Karim Jibril daga Libya da Abdul Aziz Abdullah Al Hamri daga Qatar da Aziz Yahya Saeed Sultan daga Yemen ne suka samu matsayi na daya zuwa na uku.
A yayin da Mohammad Rasool Takbeiri mai haddar kur'ani kuma wakilin Jamhuriyar Musulunci ta Iran ya kasa samun matsayi a wannan gasa.
An gudanar da bikin rufe wannan gasa ne a ranar Juma'a a dakin wake-wake na otel din Cosmos da ke birnin Moscow.
Roshan Abbasov, Mufti na Moscow, a lokacin da yake maraba, ya gayyaci dukkan mahalarta taron da masu sha'awar fasahar Islama da na kur'ani, da su ziyarci wurin nune-nunen ruhaniya na "Taskar Kur'ani". A bisa wata al'ada ta gama gari, a wannan bikin, ana raba tikitin zuwa aikin Umrah a tsakanin masu halarta ta hanyar yin kuri'a.
A karshe Mufti na Moscow ya godewa Mufti Sheikh Ravil Ainuddin da ya gudanar da gasar kur'ani ta kasa da kasa a birnin Moscow tare da godewa abokan huldar Qatar - Ahmed Nasser Al Thani da Sheikh Al Jaber saboda goyon bayan wannan taron na ruhaniya.
