Mga Pagtitipon ng mga Kababaihan Madaling Mapasukan ng Huwad na Mistisismo

Nagpapahiwatig ang mga sariwang pagsisiyasat na ang mga pagtitipon ng mga kababaihan ay maaaring maging tanghalan ng paglitaw ng mga huwad na mistisismo.

Sa kanyang pagsalita sa isang pagtitipon ukol sa “Patolohiya ng mga Huwad na Mistisismo,” sinabi ni Hojat-ol-Islam Mohammad Taqi Fa’ali, isang propesor sa pamantasan at sa seminaryo at manunulat ng 9 na aklat sa kung tawagi’y umuusbong na mga sektang ispiritwal at mistikal, ipinaliwanag niya ang dalawang klase ng mga huwad na mistisismo, at idinagdag pa niya na: “Ang iba sa kanila ay sinusunod ang sarili nilang interes at gumagamit ng mga katunayan, samantalang ang iba naman ay nagpapalaganap ng mali at mapamahiing mga ideya na walang lohikal na basehan. Ang huling grupo ay kinabibilangan ng mga umaangking may kakayahan sa paghula at pagbasa ng isip.”

Sa kanyang pagtukoy sa mga iba’t-ibang klase ng astrolohiya na umiiral sa bansa, sinabi niya na: “Karamihan sa mga impormasyong ipinakikilala ng mga walang basehang pamamaraang ito ay hindi orihinal at hindi maaasahan.”

“Isa sa mga tampok na katangian ng mga ito ay ang kapangahasan; umaabot ang kanilang kapangahasan sa pagsabing sila ay may malapit na ugnayan sa kay Imam-e-Zaman (sana ay pabilisin ng Allah ang kanyang pagbabalik).”

Tinukoy ni Hojat-ol-Islam Fa’ali ang mga pagtitipon ng mga kababaihan bilang potensyal na lugar upang umusbong ang mga ganitong kawan, at dinagdag pa niya na ang mga kababaihan ay madalas na mas madaling maisahan ng mga huwad na pag-aangking gaya nito.

Ang mga kabataan ang pangalawang grupo na madaling maging puntiryahin ng ganitong mga umuusbong na mistisismo. Ang mga kalalakihan ay makiling rin na maimpluwensyahan ng ganito ngunit sa mas mababang antas lamang.
924180