Naglalaro ng Apoy ang Rehimeng Bennett, Nagbabala ang Opisyal ng Palestino
Sa isang pakikipanayam sa media ng Palestino, sinabi ni Nabil Abu Rudeineh, isang tagapagsalita para sa Pangulo ng Palestino na si Mahmoud Abbas, noong Huwebes na ang magkakasunod na rehimeng Israeli ay binaliwala at pinatay ang maraming pagkakataon ng kapayapaan sa nasakop na mga lupain sa nakalipas na mga dekada, ngunit ang rehimen ni Bennett ay somobra ng higit pati na rin sa pagsasagawa ng mga krimen laban sa bansang Palestino.
“Ang rehimeng Bennett ay higit pa kaysa sa nakaraang mga rehimen sa pamamagitan ng pagsasagawa ng araw-araw na mga pagpatay at mga krimen sa digmaan na may malalang mga kahihinatnan. Ang rehimen ay naglalaro ng apoy at sinusubukang magpataw ng isang fait accompli na magpapabago sa kalagayan," sinabi ng tagapagsalita.
Binanggit niya na ang pamunuan ng Palestino ay may sapat na legal na paraan upang panagutin ang mga awtoridad ng Israel para sa kanilang mga krimen at mga paglabag sa batas na pandaigdigan doon sa mga pagpupulong ng mundo.
"Lahat ng mga aksyon na ito, kabilang ang pagwawasak ng mga bahay, pagsisikap na paalisin ang mga tao at pagpapatay sa mga kabataan araw-araw, ay mga krimen na hindi mawawalan ng parusa," sinabi niya.
Binanggit din ni Abu Rudeyna ang isang pagpupulong noong Miyerkules ni Pangulong Abbas kasama ang Permanenteng Kinatawan ng Estados Unidos doon sa Nagkakaisang mga Bansa na si Linda Thomas Greenfield sa lungsod ng Ramallah sa West Bank.
Ipinaliwanag niya na sa panahon ng pagpupulong, nagbabala si Abbas na ang mga gawi ng Israel ay lalong magpapawalang bahala sa tinatawag na dalawang-bansa na kalutasan.
Binigyang-diin niya na ang pagpupulong ay nakatuon sa mga paglabag na ginawa ng mga awtoridad ng Israel sa sinasakop na mga teritoryo at mga pagtatangka na puwersahang paalisin ang mga Palestino mula sa kanilang mga bahay sa Silangang al-Quds.
Nagbabala ang tagapagsalita na ang kasalukuyang pampulitika ng Israel ay magsisilbi lamang upang palalain ang dati nang walang katiyakan na kalagayan, na nananawagan sa rehimen na muling isaalang-alang ang mga patakarang rasista laban sa mga Palestino.
Tumataas ang tensyon sa sinasakop na mga teritoryo sa loob ng maraming mga buwan dahil sa mga aktibidad sa pamahayan ng Israel at ang plano nitong pagpapaalis sa mga pamilyang Palestino mula sa kanilang ninuno na mga tahanan.
Hindi bababa sa 331 na mga Palestino ang napatay at 16,000 pa ang nasugatan sa Israeli na paghihigpit sa mga protesta hanggang sa taong ito, alinsunod sa impormasyon mula sa tanggapan ng UN para sa Pag-uugnayan ng Pantao na mga Kapakanan.
Sa parehong panahon, winasak ng Israel ang 721 na mga gusali ng Palestino at inilipat ang 962 na mga Palestino sa al-Quds at sa West Bank.
Binigyan ni Abbas ang rehimeng Israel ng isang taon para umatras mula sa ilang mga dekada nang pananakop sa mga teritoryo ng Palestino o harapin ang mga kaso sa International Court of Justice (ICJ).
Pinagmulan: Press TV
