Pandaigdigan na Paligsahan sa Quran para sa mga Mag-aaral ng Al-Azhar: Iginawad ang mga Nanalo
Inorganisa ng Pandaigdigan na Organisasyon ng mga Nagtapos sa Al-Azhar ang seremonya sa pakikipagtulungan ng Abu Al-Ainain na Pundasyon ng Kawanggawa.
Mahigit isang libong lalaki at babae na mga estudyante ng Al-Azhar mula sa iba't ibang mga bansa na nag-aaral sa institusyong Islamikong ito ang lumahok sa kumpetisyon.
Abbas Shoman, pinuno ng administratibong konseho ng organisasyon, Somaya Abu Al-Ainain, bise presidente ng pundasyon, Nahla Saeedi, tagapayo sa Sheikh ng Al-Azhar sa dayuhang mga mag-aarla na mga kapakanan, at ilang iba pang opisyal mula sa Pandaigdigang Organisasyon ng mga Nagtapos sa Al-Azhar ay dumalo sa seremonya.
Sa kanyang talumpati sa kaganapan, sinabi ni Shoman na ang Banal na Quran ay isang liwanag na dapat makinabang ang mga kabataan upang makahanap ng patnubay at tagumpay sa mundong puno ng kaguluhan.
Ipinahayag pa niya ang kanyang pasasalamat sa mga pagsisikap ng pundasyon sa pagsuporta sa mga tagapagsaulo ng Quran at paghikayat sa kanila na isaulo, bigkasin, at maunawaan ang Banal na Salita.
Idinagdag niya na ang Al-Azhar ay nakikipagtulungan sa maraming mga organisasyong pangkawanggawa, kabilang ang Abu Al Ainain Charity Foundation, at may regular na presensiya sa mga gawaing pangkawanggawa at Quranikong mga prorgama.
Ang pandaigdigan na kumpetisyon sa pagsasaulo ng Quran para sa dayuhang mga estudyante ng Al-Azhar ay ginanap sa mga kategorya ng pagsasaulo ng buong Quran, pagsasaulo ng kalahati ng Quran at ang pinakamagandang boses.
Sa pagtatapos ng kumpetisyon, kinilala ang 35 katao bilang nangungunang mga nanalo at nakatanggap ng kanilang mga premyo.
