Nahabagihan ang US ng Matinding Kahihiyan ng Israel, Nagiging Pinaka-Kinaiinisan Dahil sa Gaza: Ayatollah Khamenei
Nagbigay si Imam Khamenei ng talumpati sa telebisyon para sa sambayanang Iraniano hinggil sa kasalukuyang mga paksa sa Iran, sa rehiyon, at sa buong mundo noong Huwebes, Nobyembre 27, 2025.
Sa talumpating ito, na alin ibinigay bilang pagdiriwang ng Linggo ng Basij, inilarawan ng Pinuno ng Rebolusyong Islamiko ang isang kilusang katulad ng Basij bilang pinagmulan ng gabay at lakas para sa alinmang mga bansa.
Idinagdag niya na ang bansang katulad ng Iran, na alin matatag at lantaran na lumalaban sa mga makapangyarihang naninikil at pandaigdigan na mga siga, ay higit na nangangailangan ng ganitong uri ng mga kilusan.
Binigyang-diin ni Imam Khamenei ang pangangailangan ng mga bansa na labanan ang kasakiman at pakikialam ng mga makapangyarihang naghahari-harian, at sinabi: “Ang dakilang elemento ng Paglaban, na naitatag at umunlad sa Iran, ay makikita na ngayon sa mga sigaw na sumusuporta sa Palestine at Gaza sa iba’t ibang mga panig ng mundo, kabilang ang mga bansang Kanluranin at maging sa loob mismo ng US.”
Tinalakay niya ang mga kaganapan sa rehiyon at sinabi: “Sa 12-Araw na digmaan, walang dudang tinalo ng bansang Iraniano ang US at ang rehimeng Zionista. Dumating sila upang gumawa ng masasamang mga gawain, nabugbog sila, at umalis silang walang nakuha. Ito ay tunay na kahulugan ng pagkatalo.”
Tinutukoy ang mga ulat na nagsasabing dalawang mga dekada nang nagpaplano ang rehimeng Zionista ng digmaan laban sa Iran, sinabi ng Pinuno: “Dalawampung mga taon nilang pinagplanuhan at pinaghandaan ang digmaang ito. Sabi ng iilan, may 20 taong paghahanda upang simulan ang digmaan sa Iran at udyukan ang mga tao na sumama sa kanila at labanan ang sistema. Iyon ang plano nila. Ngunit umalis silang walang napala, bumaliktad ang kalagayan laban sa kanila, at nabigo sila. Maging ang mga may hindi pagkakasundo sa sistema ay tumindig sa panig nito.”
Nagpatuloy si Imam Khamenei sa pagsasabi: “Siyempre, nakaranas din tayo ng pagkalugi. Ganyan ang kalikasan ng digmaan; may mga buhay tayong nawala. Ngunit ipinakita ng Islamikong Republika na ito ay sentro ng determinasyon at kapangyarihan, na kayang magpasya at manindigan nang walang takot sa ingay mula sa labas. Higit pa rito, ang pinsalang kagamitan na natamo ng kaaway ay mas malaki kaysa sa atin.”
Tinukoy rin niya ang malalaking pagkalugi ng US sa loob ng 12 araw na digmaan at sinabing: “Ikalawang punto, sa 12-Araw na Digmaan, malubha ang naging pagkalugi ng US. Ginamit nito ang pinakabago at pinaka-advance nitong armas, submarino, eroplanong pandigmaan, at mga sistema ng depensa sa himpapawid. Ngunit hindi nito nakamit ang layunin nito. Gusto nitong linlangin ang sambayanang Iraniano at pilitin silang sumunod dito, ngunit kabaligtaran ang nangyari. Tulad ng sinabi ko, lalo pang nagkaisa ang mga Iraniano sa harap ng US at lubusang napigil ang mga layunin nito.”
Tinukoy ni Imam Khamenei ang matinding kahihiyan at kasuklam-suklam na imahe ng rehimeng Zionista sa trahedyang naganap sa Gaza sa pinakamalalaking trahedya sa kasaysayan ng rehiyon.
Sabi niya: “Sa kasong ito, tumindig ang US sa tabi ng rehimen ng mananakop at lubhang napahiya, dahil alam ng mga tao sa mundo na hindi maisasagawa ng rehimeng Zionista ang ganitong mga kalupitan kung wala ang suporta ng US.”
Inilarawan niya ang punong ministro ng rehimeng Zionista bilang “Ang pinaka-kinaiinisang tao sa buong mundo ngayon ay ang pinuno ng pamahalaang Zionista,” at ang naghaharing aparatong Zionista bilang “ang pinaka-kinasusuklamang samahan at pangkat na makasalanan sa buong mundo.”
Idinagdag niya: “Dahil nakatayo ang US sa tabi nila, lumaganap pati sa US ang pagkamuhi laban sa rehimeng Zionista.”
Binigyang-diin ng Pinuno na ang pakikialam ng US sa iba’t ibang mga bahagi ng mundo ay isa pang malaking salik sa tumitindi nitong pag-iisa at paglayo ng iba.
Sabi niya: “Saanman manghimasok ang US, ang nagiging bunga ay pag-uudyok ng digmaan, pagpatay ng lahi, pagkawasak, at paglikas ng mga tao.”
Tinukoy niya ang pagtataksil ng US maging sa sarili nitong mga kaalyado dahil sa suporta nito sa makasalanan na himpilan ng Zionista, at ang pagsisikap nitong magpasiklab ng sigalot sa iba’t ibang mga bahagi ng mundo para sa langis at yamang ilalim ng lupa-na umaabot na ngayon hanggang Latin Amerika-at idinagdag: “Ang ganitong uri ng pamahalaan ay tiyak na hindi isang pamahalaang hahangarin ng Islamikong Republika na makipagtulungan o makipag-ugnayan.”
Binanggit niya ang mapanirang at walang saysay na digmaan sa Ukraine bilang isa pang halimbawa ng pakikialam ng US, at sinabing: “Sinabi ng kasalukuyang pangulo ng US na aayusin niya ang digmaan sa loob lamang ng tatlong mga araw. Ngunit ngayon, halos isang taon na ang lumipas, sinusubukan na niyang ipilit ang isang 28-mga puntong plano sa parehong bansang itinulak ng US sa digmaan.”
Tinukoy din ni Imam Khamenei ang mga pagsalakay ng rehimeng Zionista sa Lebanon, ang pagsalakay nito laban sa Syria, ang mga krimen nito sa West Bank, at ang nakapipinsalang kalagayan sa Gaza bilang karagdagang halimbawa ng lantad na suporta ng US sa digmaan at sa mga paglabag sa batas ng bulok na entidad na Zionista.
Tinalakay ng Pinuno ang ilang tsismis tungkol sa umano’y mga mensahe mula Iran papunta sa US at sinabi: “Gumagawa sila ng sabi-sabi na nagpadala raw ng mensahe ang Iran sa US sa pamamagitan ng ikatlong bansa. Isa iyong ganap na kasinungalingan, at wala namang naganap na ganoon.”
Sa isa pang bahagi ng kanyang pahayag, ipinaliwanag ni Imam Khamenei ang kalikasan ng Basij at sinabing: “Sa anyo nitong pagbubuo bilang sangay ng Islamic Revolutionary Guard Corps, ang Basij ay nagpapakita ng matatag at di-natitinag na tindig laban sa mga kaaway, habang nagpapamalas naman ng diwa ng paglilingkod para sa mga tao.”
Nagpatuloy siya: “Mas mahalaga ang malawak na hanay ng sumusuporta sa Basij, na alin matatagpuan sa buong bansa at nakikita sa bawat matapang, masigasig, puno ng pag-asa, at handang-maglingkod na indibidwal o pangkat maging sa larangang pang-ekonomiya, pang-industriya, pang-agham, pang-akademiko, seminaryo, produksyon, negosyo, at iba pang mga larangan.”
Sinabi ng Pinuno na ang sigla at dinamismo ng Basij ay nagpapalakas sa paglaban ng mga bansa laban sa pandaigdigang maniniil, at idinagdag: “Sa pag-angat ng Paglaban, nararamdaman ng inaaping mga tao sa mundo na sila ay may kakampi at may kapangyarihan.”
Sa kanyang pangwakas na punto tungkol sa mga Basij, nanawagan ang Pinuno ng Rebolusyong Islamiko sa lahat ng mga opisyal ng mga institusyong estado at sinabi: “Katulad ng isang Basiji, gampanan ninyo ang mga tungkulin ninyo nang may pananampalataya, pag-uudyokj, at dangal.”
Sa huling bahagi ng kanyang talumpati, nagbigay si Imam Khamenei ng ilang mga tinatagubilin para sa sambayanang Iraniano, kung saan ang una ay ang pangangalaga at pagpapalakas ng pagkakaisang pambansa.
Binigyang-diin ni Imam Khamenei ang pangangailangan na protektahan at patatagin ang pambansang pagkakabuklod at sinabi: “May mga pagkakaiba sa iba’t ibang mga pangkat panlipunan at pampulitika, ngunit ang mahalaga ay katulad noong 12-Araw na Digmaan, manatili tayong nagkakaisa sa harap ng kaaway. Ang pagkakaisang ito ay mahalagang susi sa lakas ng bansa.”
