Ang Nahj al-Balagha kasama ang Quran ang Magiging Sentro ng Ika-33 na Pagpapakita ng Quran na Pandaigdigan sa Tehran
Ito ay inanunsyo sa ikalawang sesyon ng Komiteng Siyentipiko ng Nahj al-Balagha na Sentro ng Pagpapaunlad at Pagsulong ng Kultura, na alin ginanap sa Tehran noong Lunes, sa paglahok ng pinuno ng Katataas-taasang Sentro para Quran at Etrat ng Iranianong Kagawaran ng Kultura na si Hojat-ol-Islam Hamid Reza Arbab Soleimani, kasama ang isang pangkat ng mga iskolar sa larangan ng Nahj al-Balagha.
Sa pagtukoy sa pangangailangang bumuo ng isang mapa ng daan para sa Sentro ng Nahj al-Balagha, ay binigyang-diin ni Hojat-ol-Islam Hamid Reza Arbab Soleimani ang kahalagahan ng malinaw na pagtukoy sa misyon ng komite ng siyentipiko ng sentro.
“Ang kaaway ay sumusunod sa apat na mga hakbang ayon sa kanyang masasamang mga layunin; una ay normalisasyon, ikalawa ay pagbuo ng gawi, ikatlo ay pagbuo ng adiksiyon, at sa huli ay paghubog ng pag-uugali; kaya’t dapat tayong kumilos sa paraang hindi tayo mahulog sa paglikha ng krisis at normalisasyon ng mga kaaway,” dagdag niya.
Itinuring ng opisyal ang pagpapalaganap at pagpapaunlad ng mayamang kultura ng Nahj al-Balagha sa hanay ng mga tao bilang isa sa pinakamahalagang mga hakbang pangkultura, at sinabi niya na ang pag-aaral ng Nahj al-Balagha ay dapat maisama sa plano ng buhay ng mga mamamayan.
“Maaari itong gumanap ng mahalagang papel sa paglikha ng isang malusog na lipunan at sa pagpapatibay ng diwa ng malasakit at pagkakaisa.”
Binigyang-diin ni Hojat-ol-Islam Arbab Soleimani ang pahayag ng Pinuno ng Islamikong Rebolusyon na “ang isang masayang buhay ng tao sa lahat ng mga aspeto at mga katangian ay maaaring matutunan mula sa Nahj al-Balagha,” at sinabi niya, “Upang makamit ang layuning ito, dapat tayong makasaksi ng masiglang intelektuwal at siyentipikong pagsisikap sa larangan ng pagpapalaganap at pagpapaunlad ng Nahj al-Balagha.”
Binanggit din ng opisyal ang pagdaraos ng Ika-33 na Pagpapakita ng Banal na Quran na Pandaigdigan sa Tehran sa banal na buwan ng Ramadan at sinabi na ang isa sa mahahalagang mga pangkat ng eksibisyong ito ay nakatuon sa paksa ng Nahj al-Balagha, at kinakailangang mag-isip ng espesyal na mga hakbang upang pagyamanin ang nilalaman ng seksyong ito.
Ang Pagpapakita ng Banal na Quran na Pandaigdigan sa Tehran ay taunang idinaraos sa banal na buwan ng Ramadan ng Iranianong Kagawaran ng Kultura at Islamikong Patnubay.
Sa pamamagitan ng iba’t ibang mga palatuntunan kabilang ang espesyal na mga sesyon, mga paggawaan na pang-edukasyon, mga pagtitipong Quraniko, at mga aktibidad na angkop para sa mga bata at mga kabataan, layunin ng pandaigdigang kaganapan na isulong ang mga konsepto at mga gawain ng Quran.
Nagsisilbi rin ang eksibisyon bilang isang plataporma upang ipakita ang pinakabagong mga tagumpay sa larangan ng Quran sa Iran at iba’t ibang mga produktong nakatuon sa pagpapalaganap ng Banal na Aklat.
