Ano ang Nagbigay-inspirasyon sa Isang Manunulat na Libyano upang Tipunin ang Ensiklopedya ng mga Kuwento ng Quran
Ayon sa IUMS, ang Ensiklopedya ng mga Kasaysayan ng mga Propeta sa Quran ay akda ni Dr. Ali Muhammad Al-Salabi, isang manunulat at mananaliksik na Libyano, sino naglalahad ng mga huwarang halimbawa mula sa mga buhay ng mga propeta katulad nina Propeta Jose (AS), Propeta Job (AS), at Propeta Moises (AS) bilang gabay sa pagharap sa mga krisis.
Ang pagbabasa ng aklat na ito ay nagpapalapit sa mga kahulugan ng Quran sa isipan ng mambabasa at inilalayo sila sa mahihinang mga kasaysayan at mga pamahiin, habang pinapalawak ang kamalayang panrelihiyon, kagandahang-asal, pangkasaysayan, pampulitika, pang-ekonomiya, at pangkabihasnan sa pagharap sa pang-aapi at ateismo. Sa isang panayam sa tanggapan ng midya ng Pandaigdigang Unyon ng Muslim na mga Dalubhasa (IUMS), tinalakay ni Al-Salabi ang layunin ng pagbuo ng ensiklopedyang ito.
“Ang ideya ng pagbubuo ng ensiklopedyang ito ay nabuo sa aking paglalakbay sa Italya (ang Vatican) sa pag-anyaya ng Samahan ng Sant’Egidio (isang samahang sibiko para sa kapayapaan) at sa isang pagpupulong kasama ang ilang mga kaibigan noong 2015.
Doon, umusbong ang isang talakayan tungkol sa kahalagahan ng kapayapaan sa buhay ng tao at ang paksa tungkol kay Propeta Hesus (AS).
Kabilang sa mga dumalo ang isang Italyanong Katoliko sino isang tagasalin ng wikang Arabik at siyang nagsalin ng mga pag-uusap sa pagitan namin at ng mga pari. Sa talakayang ito, napagpasyahan namin na ang Banal na Quran ay isang sanggunian na naglahad ng ganap na katotohanan tungkol kay Hesu Kristo (AS) sa usapin ng mga paniniwala, kasaysayan, at mga tanong na may kaugnayan kay Propeta Hesus at kay Maria (SA).
Mayroon ding ilang mga Surah ng Quran, kabilang ang Al-Imran, Maryam, Al-Ma’idah, at iba pa, na alin tumatalakay sa kuwento ni Propeta Hesus (AS).”
Dagdag pa niya, “Nang bigkasin ko sa kanila ang mga talata ng Surah Maryam, nagsimulang umiyak ang tagasalin. Nasabi ko sa aking sarili: Luwalhati kay Allah; gaano kalaki ang ating pagkukulang sa pagpapahayag ng katotohanan tungkol sa dakilang Propetang ito!”
Ipinagpatuloy ni Al-Salabi, “Mula rito ay ipinagkaloob sa akin ni Allah ang pagkakataong magsulat ng aklat tungkol sa buhay ni Propeta Hesus (AS). Sa aklat na ito, tinipon ko ang lahat ng binanggit tungkol kay Propeta Hesus (AS) sa Banal na Quran gamit ang pamamaraang tematikong pagpapakahulugan, at tinalakay ko ang mga pagdududa tungkol sa kanya at ang tugon ng Quran sa mga pagdududang ito.” Binanggit niya na ang aklat na ito, na pinamagatang “The Complete Truth about Christ, Jesus the Son of Mary,” ay malawakang nailathala at naisalin sa iba’t ibang mga wika.
“Nagsagawa ako ng akademikong mga pagpupulong sa Uropa tungkol dito. Sa mga kumperensiyang ito, may ilan na naniwalang may bagong salaysay tungkol sa banal na propetang ito na hindi umiiral sa kulturang Katoliko.” Dagdag ng manunulat na Libyano, “Pagkatapos ni Hesus (AS), tumuon ako sa pagsusulat tungkol sa mga buhay ng dakilang mga propeta. Kaya nagsimula ako kay Noe (AS) at pagkatapos ay isinulat ko ang kuwento ni Adan (AS). Sa panahong iyon, napagtanto ko na ang Quran ay naglalahad ng dakilang mga huwaran na maaaring tularan.”
Tungkol sa layunin ng ensiklopedyang ito, sinabi niya, “Ang layunin ng ensiklopedyang ito ay pag-ugnayin ang mga tao at ang Quran, patatagin ang paniniwala sa iisang Panginoon, ipaliwanag nang makatwiran ang mga propeta at ang kanilang mga pamamaraan sa paglaban sa kasinungalingan, at magbigay rin ng praktikal na mga huwaran na maaaring sundan at sagot sa malalaking mga tanong sa buhay.”
Nang tanungin kung paano makapagbibigay ang mga kuwento sa Quran ng makatotohanang paglutas sa mga hamon ng makabagong tao, sinabi ni Al-Salabi, “Ang mga kuwento sa Quran ay punô ng tunay na mga huwaran na nagbibigay-inspirasyon sa tao sa pagharap sa mga pagsubok at mga hamon.
Halimbawa, ang kuwento ni Propeta Jose (AS) ay isang huwaran ng pagtitiis, kalinisan ng asal, pagpaplano, at pagharap sa mga tukso
hanggang sa makamit ang tagumpay; at ang kuwentong ito ay nagbibigay-inspirasyon sa mga kabataan.”
Idinagdag niya, “Gayundin, ang kuwento ni Propeta Job (AS) ay isang halimbawa ng marikit na pagtitiis at pagdulog sa mabubuting mga pangalan ng Panginoon sa panahon ng matinding pagsubok at kahirapan. Ang kuwento ni Propeta Yunus (AS) ay isa ring huwaran ng paghingi ng kanlungan sa Diyos sa oras ng kagipitan. At ang kuwento ni Propeta Abraham (AS) ay halimbawa ng pagharap sa pagsamba sa mga diyus-diyosan at ng paggamit ng katuwiran laban sa katuwiran, lohika at hanggang sa maabot ang budhi ng tao.”
Ayon kay Al-Salabi, ang kuwento ni Propeta Moises (AS) ay nagbibigay rin ng huwaran sa paglaban sa pang-aapi at kawalang-katarungan, sa pagliligtas sa mga inaapi, at sa pagtitiis sa harap ng pag-uusig ng mga mapang-api, pati na rin sa wakas ng mga kriminal at mga mapanira. “Ang mga buhay ng lahat ng propeta ay sagisag ng isang dakilang kodigo ng kagandahang-asal.”
Ipinaliwanag ng may-akda ang papel ng mga kuwento sa Quran sa paghubog ng relihiyoso at moral na pagkakakilalan sa panahon ng malalaking kaguluhan, na sinasabi ang salitang Ummah ay binanggit sa Banal na Quran bilang iisang sambayanan, isang sambayanang nagpatuloy mula sa panahon ni Propeta Adan (AS) hanggang sa panahon ni Propeta Muhammad (SKNK), at isang sambayanan ng paniniwala sa iisang Panginoon, dangal, at katarungan na lumalaban sa paglihis at kawalan ng pananampalataya.
Ipinagpatuloy niya, “Ang mga kuwento sa Quran ay lumilikha ng isang moral na pagkakakilalan na nakabatay sa paniniwala sa iisang Panginoon at pagsamba sa Kanya, at humaharap sa landas ni Satanas na humihikayat sa tao tungo sa pang-aapi, kawalan ng pananampalataya, at malalaking kasalanan. Ang identidad na ito ay makikita sa mga buhay ng mga propeta tulad nina Propeta David (AS) at Solomon (AS) bilang matuwid na mga pinuno, si Propeta Zakaria (AS) bilang huwaran ng pagpapakumbaba sa harap ng Panginoon, si Propeta Hud (AS) bilang huwaran ng lubos na pagtitiwala sa Makapangyarihang Diyos, at si Propeta Jose (AS) bilang huwaran ng mabuting ugnayan sa Makapangyarihang Panginoon at paggawa ng kabutihan sa mga taong sumalungat sa paniniwalang monoteistiko.”
Tungkol sa epekto ng aklat na ito sa kamalayan ng mga mambabasa, sinabi ni Al-Salabi na sa pamamagitan ng aklat na ito, “Nais kong ihatid sa mga tao ang buhay ng mga propeta ayon sa pamamaraan ng aking panahon at sagutin ang mga pagdududa sa pamamagitan ng paglalahad ng mga kuwento sa Quran at ganap na pag-asa sa Quran at sa mapagkakatiwalaang mga hadith, upang mabuo ang isang wastong pag-unawa sa layunin ng mga propeta. Ang ensiklopedyang ito ay isa sa mga sangguniang tumutulong sa mga mangangaral, mga misyonero, mga dalubhasa, at mga mag-aaral sa pagsasagawa ng kanilang gawaing pangmisyon, at maaari rin itong mapakinabangan ng pangkalahatang publiko.”
Ipinagpatuloy pa niya na ang lahat ng kuwento sa Quran ay “may naging epekto sa akin, ngunit ang kuwento ni Propeta Moises (AS) ang may pinakamalaking impluwensiya dahil sa kanyang pagharap sa mapang-aping pamahalaan ni Paraon at sa pagtitiis ni Propeta Moises (AS) sa panahon ng pag-uusig sa kanyang mga tao, at kung paano siya lumaban upang palayain ang mga inaapi.”
Sinabi ni Al-Salabi na ang kuwento ni Propeta Moises (AS) ay paulit-ulit na nagaganap sa buong kasaysayan at nagbibigay-inspirasyon sa paglaban sa pang-aapi at paniniil. “Ang kuwento ni Propeta Abraham (AS) ay kakaiba rin sapagkat ginamit niya ang kanyang isipan at lohika, pati ang wika ng kalikasan at budhi, upang itaguyod ang paniniwala sa iisang Panginoon at itinatag ang Banal na Bahay ng Allah.”
Ipinagpatuloy niya, “Ang kuwento ni Propeta Jose (AS) ay naglalaman din ng kapatawaran, pagpaparaya, pagsubok, at pagsunod, na nagbibigay-inspirasyon sa buhay ng tao. Ang iba pang mga kuwento ng mga propeta katulad nina Propeta Job (AS), Yunus (AS), Zakaria (AS), Yahya (AS), Isaac (AS), Jacob (AS), at Ismail (AS) ay isa ring himalang sistema ng pananampalataya, etika, kasaysayan, Sharia, at sibilisasyon.”
Sa pagtatapos ng pag-uusap na ito, nanalangin ang may-akda ng Ensiklopedya ng mga Kasaysayan ng mga Propeta sa Banal na Quran sa Panginoon na nawa’y maging kapaki-pakinabang ang aklat na ito para sa lahat at nawa’y makinabang dito ang lahat ng tao, sapagkat ang mga kuwento sa Quran ay bahagi ng alaala ng sangkatauhan sa kasaysayan ng tao.
