Pananalig sa Gawa: 70 na mga Boluntaryo ng Moske ang Naghanda ng 20,000 na mga Pagkain para sa Bangko ng Pagkain sa Austin
Nagtipon ang mga boluntaryo noong Linggo upang maisakatuparan ang paghahanda ng 20,000 na mga pagkain. Lahat sila ay nagmula sa iba’t ibang mga pinagmulan at demograpikong pangkat.
“Ngayon ay talagang sinusubukan naming mag-impake ng 20,000 na mga pagkain,” sabi ni Tayseer Abubakar, isang boluntary na espesyalista sa pakikipagtipan ng Islamic Relief USA. Ang hindi pangkalakal na samahan ay nakatuon sa paglaban sa kahirapan at pagbibigay ng tulong sa mga higit na nangangailangan sa buong bansa. Ngayong katapusan ng linggo, nakatuon ang pangkat sa Central Texas.
Sa loob ng mahigit apat na mga oras, masigasig na nagtrabaho ang mga boluntaryo upang matiyak na ang mga supot ng pagkain ay handa at maaaring maipadala sa lalong madaling panahon.
“Ngayon ay narito kami sa Austin, noong nakaraang katapusang linggo ay nasa San Antonio ako, at dalawang katapusang linngo bago noon ay nasa New Orleans,” sabi ni Abubakar.
“Mayroon kaming mga tao mula sa lahat ng uri ng demograpiko. Mayroon kaming mga kalalakihan, mga kababaihan, alam mo, hindi Muslim, Muslim, Kristiyano, Hudyo, anumang kalagayan. Nais naming matiyak na kami ay napapabilang. Isinasama namin ang lahat upang sila ay makatulong at makapagpakain sa mga pamilyang tunay na nangangailangan ng tulong na ito.”
Ipinaliwanag ni Abubakar ang proseso ng pag-iimpake ng napakaraming mga pagkain.
“Sa unang istasyon, inilalagay ang bigas, mga sitaw, pitong mga uri ng pampalasa, at mga karot. Lahat ng ito ay tuyong mga pagkain na inilalagay sa supot ng pagkain. Pagkatapos, sa ikalawang istasyon, tinitimbang ito upang matiyak na sapat ang mga sangkap upang maabot ang kinakailangang masustansiya. At sa ikatlong istasyon, siniselyuhan ang mga supot.”
Kapag naselyuhan na, ang mga supot ng pagkain ay ibinibigay sa Central Texas Food Bank para sa pamamahagi, sino siyang tumitiyak na mapupunta ang mga ito sa tamang mga tao.
“Wala talagang tiyak kahit sino na pumapasok sa mga bangko ng pagkain na ito. Kahit sino na nangangailangan ng pagkain, tama? At hinahayaan na namin ang bangko ngb pagkain na gampanan ang tungkuling iyon at ipamahagi ang mga pagkain sa sinumang kumatok sa kanilang mga pintuan,” sabi ni Abubakar.
Ang aktibidad noong Linggo ay isa lamang sa maraming kaganapang isinasagawa ng Islamic Relief USA sa buong bansa. Ayon sa hindi-pangkalakal, bukas ang samahan sa lahat ng nais magboluntaryo, at maaaring makakuha ng karagdagang kaalaman sa pamamagitan ng pagbisita sa kanilang website.
