Pagbibitiw sa Putbol ng Espanya Dahil sa Pagkutya sa mga Manlalarong Muslim

IQNA – Ang tila isang bastos na kalokohan noong April Fools noong una ay nauwi sa isang iskandalo na tumapos sa kanyang karera pkra sa isang presidente ng mababang liga ng klub sa Espanya.

Niyanig ng panibagong kontrobersiya ang putbol ng Espanya matapos ang video na nagpapakita ng isang presidente ng mababa na dibisyon na klub na humahabol sa mga manlalarong Muslim gamit ang Iberiano pork na nagdulot ng malawakang batikos na nagtulak sa kanyang pagbibitiw.

Pinatindi ng pangyayari ang pagsisiyasat sa diskriminasyon sa laro ng bansa.

Ang kontrobersiya ay nakasentro kay Javi Poves, presidente ng CD Colonia Moscardó na nakabase sa Madrid, isang ikaapat na klub.

Sa isang video na ipinost niya sa panlipunang midya at kalaunan ay binura, lumitaw si Poves na nagtaguyod ng mga produktong baboy ng Iberiano bago hinabol ang mga Muslim na manlalaro habang sinisigawan silang kumain ng baboy.

Mabilis na kumalat sa onlayn ang kuha at umani ng matinding kritisismo mula sa mga tagahanga, panlabas na midya, at mga tagamasid, na marami sa kanila ang nagsabing ang ginawa ay nakakasakit at madiskrimina sa halip na nakakatawa.

Nakadagdag pa sa tensiyon ang tiyempo, dahil nasa ilalim na ng pangigiit ang putbol ng Espanya kasunod ng ilang kamakailang mga pangyayari na kinasasangkutan ng rasismo.

Tinangka ni Poves na pigilan ang kalagayan sa pamamagitan ng paglalabas ng tatlong minutong bidyo kung saan inilarawan niya ang insidente bilang isang "hindi naunawaang biro"

"Sinadya nitong magdulot ng kaunting katatawanan ... Hindi ko intensiyong makasakit ng damdamin ng sinumang relihiyon o tao" sabi niya.

Hindi gaanong nakatulong ang paliwanag upang mapawi ang negatibong reaksiyon. Ikinatwiran ng mga kritiko na ang aksyon ay lumabag sa malinaw na mga hangganan at sumasalamin sa kawalan ng paggalang sa mga paniniwala ng mga manlalaro, kung saan lumalakas ang mga panawagan para sa pananagutan.

Sa ilalim ng tumitinding pangigiit, opisyal na nagbitiw si Poves bilang presidente ng klub, bagama't nananatili siyang bahagi ng lupon. Sa isang huling mensahe sa bidyo, iminungkahi niya na tuluyan na siyang lalayo sa putbol.

"Magsisimula ako ng bagong kabanata sa buhay ko ... Magtatanim ako ng kamatis at mag-aalaga ng mga tupa," sabi niya.

Sa ngayon, hindi pa naglalabas ng opisyal na pahayag ang Pederasyon ng Putbol ng Espanya tungkol sa insidente sa kabila ng patuloy na panawagan para sa imbestigasyon.

3497074