Isaulo ang Quran upang Mapataas ang Iyong Katayuan sa Mundo at Espiritwal: Nigeriano na Kleriko

IQNA – Nanawagan si Hayatu Umar, isang tagapanayam sa Pang-aaral ng Islam sa Federal University Dutsin-Ma (FUDMA) sa Estado ng Katsina ng Nigeria, sa mga kabataan at mga estudyante na bigyang-priyoridad ang pagmemoriya ng Quran, na binibigyang-diin na ang gawaing ito ay nagpapataas ng katayuan ng isang tao kapwa sa lipunan at sa kabilang buhay.

Ginawa niya ang panawagang ito noong Lunes sa Dutsin-Ma, sa pormal na inagurasyon ng unang pangkat ng mga estudyante ng Kolehiyo ng Quran at Qira’at (mga pamamaraan ng pagbigkas).

Ang kolehiyo ay isang institusyong itinatag para sa pagmemoriya ng Quran sa pamamagitan ng iba’t ibang mga pamamaraan na nag-uugnay pabalik sa Propeta Muhammad (Suma sa Kanya Nawa ang Kapayapaan).

Sinipi niya ang isang nakatatandang iskolar na nagsabi: “Hindi tumataas ang katayuan ng isang tao maliban sa kung ano ang kanyang naisaulo at nalalaman mula sa Quran.”

Ipinaliwanag ng tagapanayam na ang mga taong may kaugnayan sa Quran ay ang mga mararangal at mga matutuwid na tao ng Allah sa sangkatauhan.

Si Umar, sino isa rin sa mga instruktor ng institusyon, ay sinipi pa ang Propeta Muhammad (SKNK), sino iniulat na nagsabi, “Ang pinakamabuti sa inyo ay ang natutunan ang Quran at nagtuturo nito sa iba.”

Sinabi niya na ang lahat ng 10 kinikilalang mga paraan ng Qira’at (pagbigkas) ay pantay sa gantimpala, at pinahihintulutan ang bawat isa na pumili ng isa upang basahin ang Quran.

Ipinaliwanag ng isa pang kilalang iskolar ng Qira’at na si Muhsin Abdullahi sino ang mga kasamahan ng Banal na Propeta na sumusulat ng Quran noong panahon ng kapahayagan ay nagtala nito sa iba’t ibang mga wika ng mga Arabo.

Idinagdag ni Abdullahi na ang layunin nito ay upang mapadali para sa mga Muslim ang pagbabasa ng Quran.

Sinabi ng direktor ng institusyon na si Gaddafi Sani na itinatag ang kolehiyo upang tulungan ang mga estudyante na makamit ang maayos na pagmemoriya at mabasa ang Quran sa pamamagitan ng iba’t ibang mga paraan ng pagbigkas.

Ayon sa kanya, kinakailangang sumailalim sa panayam ang mga kandidato bago tanggapin, at tanging ang mga kuwalipikado lamang ang tinatanggap.

Sa kanyang pahayag, sinabi ng registrar ng institusyon na si Suleiman Abdullahi, “Tumatanggap ang seksyon ng mga estudyanteng may naisaulong isang-katlong bahagi ng Quran, at natatapos nila ito sa loob ng isang taon. Mayroon ding anim na buwang kursong sertipiko at dalawang taong kursong diploma, lahat para sa mga nakapagmemoriya na ng Banal na Qur’an.”

Ang hepe at ang pangulo ng distritp ng Dutsin-Ma na sina Kabir Abdussalam-Shema at Sada Muhammad-Sada, sa kanilang magkahiwalay na mensahe ng suporta, ay nangakong patuloy na susuporta sa institusyon upang makamit ang mga layunin nito.

3497171