Hindi Natitinag na Debosyon: Paano Nalampasan ng mga Sentro ng Quran sa Gaza ang Isang Mapaminsalang Digmaan
Nawasak ang mga paaralan, mga ospital, at mga tahanan. Gayunpaman, ang apoy ng debosyon sa Aklat ni Allah ay hindi lamang nanatiling buhay, lalo pa itong nagningas.
Ang digmaan at ang matinding pagkawasak na iniwan nito ay hindi naging sapat upang mapawi ang apoy ng debosyon sa Banal na Quran at sa pagmememorya at pag-aaral nito sa mga puso ng mga taga-Gaza.
Sa kabila ng malawakang pagkawasak ng imprastruktura, mga institusyong panrelihiyon at pang-edukasyon, mga moske, at mga sentro ng pagmememorya ng Quran sa loob ng dalawang taon ng digmaan, nasasaksihan ng Gaza Strip ang isang kahanga-hangang kilos ng pamahalaan, mamamayan, at komunidad upang muling buhayin ang mga sentro ng pagmememorya at pagtuturo ng Quran bilang epektibong paraan para sa espiritwal at sikolohikal na paghilom at para sa muling pagbangon ng yamang-taong pinahina ng mabangis na digmaan.
Pinagtibay ni Rami al-Shaqra, tagapamahala ng Sentro ng Al-Nour para sa Pagsasaulo ng Quran at mga Agham sa Gaza Strip, na ang gawain ng sentro ay isang pagtatangkang mabawi at muling buuin ang pagkakakilanlang Palestino sa harap ng mga epekto ng digmaan at ng mga pagtatangkang sirain ang lahat ng mga aspeto ng buhay sa nakalipas na dalawang mga taon.
Sinabi niya na ang Paaralang Quraniko ng Al-Nour ay itinayo sa mga guho ng winasak ng pananakop.
Ipinahiwatig ni Al-Shaqra na ang kasalukuya nakatuon ay ang “muling pagbuo ng pinakamahalagang yamang-tao, ang indibidwal, at ang pagpapanumbalik sa taong pinahina ng nakamamatay na digmaan sa pamamagitan ng isang komprehensibong programang Quraniko at pang-edukasyon.”
Binanggit niya na ang sentro ay kasalukuyang may humigit-kumulang 800 lalake at babaeng mga mag-aaral mula sa iba’t ibang mga edad, mula sa maliliit na bata hanggang sa mga mamamayang matatanda na lampas 60 taong gulang, kung saan may mga programang iniangkop para sa bawat pangkat ng edad.
Dagdag pa ng opisyal na ang sistemang ito ay pinamamahalaan ng mga kawani sa edukasyon at pagsasanay na binubuo ng humigit-kumulang 60 superbisor at mga guro ng Quran.
Tungkol sa uri ng mga programang iniaalok sa mga mag-aaral sa kasalukuyang kalagayan, ipinaliwanag ni al-Shaqra na ang programa ng sentro ay hindi limitado sa tradisyunal na pagsamba at pagmememorya, kundi nakabatay sa isang komprehensibong pananaw na pang-edukasyon, sikolohikal, at rehabilitatibo na naglalayong maisama ang Banal na Quran sa pang-araw-araw na buhay ng mga mamamayan bilang paraan ng sikolohikal na paghilom at pagdaig sa trauma.
“Kaagad pagkatapos ng pagtigil ng mga labanan, naghanda kami ng komprehensibong kurikulum pang-edukasyon na angkop para sa lahat ng pangkat ng edad,” sabi niya.
“Kabilang sa programang ito ang mahalagang bahagi para sa sikolohikal at emosyonal na paglabas ng damdamin ng mga mag-aaral, na pinangangasiwaan ng piling grupo ng mga sikolohista at mga tagapagpayo upang muling mabuo ang personalidad at pag-iisip ng indibidwal,” dagdag ni al-Shaqra. “Kasabay nito ay isang programang pang-edukasyon na tumatalakay sa mga kuwento ng Quran, mga talambuhay ng kilalang mga personalidad at maimpluwensyang Islamiko at makasaysayang mga tao upang maiugnay ang salinlahi sa kanilang pinagmulan at pagkakakilanlan.”
