Nagtapos sa Iraq ang Birtuwal na Kurso sa mga Agham na Quraniko
Isinagawa ang kurso sa pamamagitan ng pagsisikap ng Sentro ng Pag-aaral ng Seminaryo ng Mirth al-Anbiya sa Najaf, na kaanib ng Kagawaran ng Intelektwal at Pangkulturang Gawain ng banal na dambana ng Hazrat Abbas (AS), ayon sa ulat ng Al-Kafeel.
Inorganisa nito ang birtuwal na kursong ito sa pamamagitan ng onlayn na mga plataporma na nilahukan ng 180 na mga estudyante mula sa loob at labas ng Iraq.
Sinabi ni Sheikh Hussein Al-Turabi, direktor ng sentro, na kabilang sa kurso ang mga leksiyon at mga talakayan tungkol sa mga agham na Quraniko.
Ayon kay Al-Turabi, pinili ng sentro ang aklat na “Mga Aralin sa Metodolohiya sa mga Agham ng Quran” ni Sayyid Riyad Al-Hakim bilang pangunahing materyal sa kurso dahil sa siyentipikong katumpakan nito, at nakilahok ang mga estudyante sa direktang talakayan sa ilalim ng pangangasiwa ng mga dalubhasang propesor upang matiyak ang tamang pag-unawa at paggamit ng mga aralin.
Sabi niya, mga layunin ng kursong ito na paunlarin ang siyentipikong mga kasanayan ng mga mananaliksik at mga estudyante, palaganapin ang wastong siyentipikong pamamaraan sa pag-unawa sa teksto ng Quran at mga agham na Quraniko, at maiugnay ang mga mananampalataya sa pananaw ng kilalang mga iskolar at mga hurista.
Kabilang sa kursong ito ang mahahalagang mga paksa tungkol sa mga agham na Quraniko, kasaysayan nito, mga himala ng Quran, pangangalaga sa Quran laban sa pagbaluktot, at mga prinsipyo ng interpretasyon.
