Nag-viral ang Bidyo ng Pagbigkas ni Erdogan ng Quran
Isinagawa ang pagbigkas sa isang kaganapang ginanap upang gunitain ang anibersaryo ng pananakop sa Constantinople noong 1453, ayon sa ulat ng El-Balad.
Ang makasaysayang Moske ng Hagia Sophia ang nagsilbing lugar ng pagbigkas, na kasabay ng pambansang pagdiriwang ng ika-573 anibersaryo ng pananakop sa Constantinople.
Ang moske ay isa sa pinakamahalagang makasaysayang mga pook sa Turkey, na alin dumaan sa maraming pagbabago sa paglipas ng kasaysayan hanggang sa muli itong buksan bilang isang moske noong 2020 matapos gamitin bilang museo sa loob ng maraming mga taon.
Nagbahagi ang mga gumagamit ng panlipunang midya ng mga bidyo at kuha na nagpapakita ng mga espirituwal na sandali habang bumibigkas si Erdogan ng mga talata mula sa Quran sa loob ng Moske ng Hagia Sophia. Ang bidyo ay nakakuha ng malawak na atensiyon mula sa publiko.
Itinuon ni Erdogan ang kanyang pagbigkas sa Surah Al-Baqarah dahil sa malalim na kahulugan ng mga talata nito.
Nagbunsod ng maraming mga reaksiyon online ang bidyo ng pagbigkas ng pangulo ng Turkey, at ang kanyang pagbigkas ng Banal na Quran ay nakatanggap ng malawakang papuri at mahigit dalawang milyong mga reaksyon sa mga plataporma ng panlipunang midya.
Naniniwala ang mga gumagamit ng panlipunang midya na ang sigasig ng pinuno ng Turkey sa pagbigkas ng Quran sa banal na lugar na ito ay nagpapadala ng malinaw na mensahe tungkol sa pagpapanatili ng pagkakakilang Islamiko at makasaysayang pamana.
