Bumisita ang Dayuhang mga Mangangaral sa Makasaysayang mga Pook na Panrelihiyon sa Ehipto
Ayon sa Balitang El-Balad, ang mga lumahok sa pagbisita ay kabilang sa mga kalahok ng kursong “Preparation of Contemporary Missionaries” (Paghahanda ng Makabagong mga Misyonero).
Ang kursong ito ay tumatagal ng dalawang mga buwan at nilalahukan ng mga trainee mula sa Algeria, Nigeria, India, Ghana, Togo, Bangladesh, at Madagascar.
Sinabi ni Hassan Al-Sagheer, pangulo ng Al-Azhar World Academy, na ang paglilibot na ito ay bahagi ng isang komprehensibong programa ng akademya upang maging pamilyar ang mga kalahok sa mga pook panrelihiyon at pangkultura sa Ehipto.
Sa pagtukoy sa pagbisita ng akademya sa Malaking Moske ng Al-Azhar noong nakaraang linggo, idinagdag niya, “Ipinakilala sa mga kalahok ang mayamang kasaysayan at mga bakuran ng moske na ito, gayundin ang papel nito sa pagpapalaganap at pagpapalawak ng mga agham Islamiko at ng wikang Arabik, at sa pagpapatibay ng pagiging katamtaman.”
Idinagdag ni Al-Sagheer na ang pagkakaiba-iba ng mga pagbisita ay sumasalamin sa pamamaraan ng Al-Azhar sa paghubog ng mga mangangaral na may kaalaman sa panrelihiyon at pangkultura. Sabi niya, nakatutulong ang mga pagbisitang ito upang makilala nila ang mayamang pamana ng kultura, kasaysayan, at sangkatauhan ng Ehipto at mapalawak ang kanilang kakayahang maiparating nang tama ang misyon ng Al-Azhar sa buong mundo.
Kasama sa programa ang pagbisita sa ilang mahahalagang makasaysayan at panrelihiyong mga pook sa rehiyon ng Fustat, kung saan nagbigay si Mohammed Al-Jazeeri, isang guro sa Departamento ng Islamikong Kabihasnan ng Pakultad ng Arabikong Wika ng Al-Azhar, ng malawak na paliwanag tungkol sa kasaysayan at kahalagahang pangkultura ng rehiyon. Binigyang-diin niya ang makasaysayang halaga ng Malaking Moske ng Amr ibn Al-As at ang mahalagang papel nito sa mga kilusang intelektuwal at misyonero sa iba't ibang mga panahon.
Kasama rin sa paglilibot ang pagbisita sa ilang mga tanyag na pook Kristiyano, kabilang ang Hanging na Simbahan at ang Siombahan ng Abi Serje, kung saan natutunan ng mga kalahok ang makasaysayang kahalagahan ng mga lugar na ito.
Bumisita rin ang dayuhang mga misyonero sa Kuta ng Bablyon, isa sa pinakamatatandang mga pook arkeolohikal sa Ehipto, na nagpapakita ng kasaysayan mula sa panahon ng mga Romano hanggang sa panahong Islamiko.
