Pinalawig ang Huling Araw ng Pagpaparehistro para sa Konboy na Quraniko na Arbaeen ng Iran
Ang pasya na palawigin ang huling araw ng pagpaparehistro ay ginawa sa pagpupulong ng Komite ng mga Gawaing Quraniko ng Tanggapang Pangkultura ng Arbaeen na ginanap noong Sabado sa Tehran.
Sa pulong ay tinalakay ang pinakabagong mga programang pang-Quran para sa prusisyon ng Arbaeen ngayong taon at nagpalitan ng pananaw tungkol sa koordinasyon at pagtutulungan ng kalahok na mga organisasyon.
Sa naturang pagpupulong, ipinaliwanag ng mga kinatawan ng iba't ibang mga organisasyong aktibo sa mga gawaing pang-Quran para sa Arbaeen ang kanilang mga plano para sa nalalapit na kaganapan.
Gumawa rin ng kinakailangang mga pasya upang maiwasan ang pag-uulit ng mga gawain at mapalakas ang koordinasyon at pagtutulungan sa pagitan ng iba't ibang mga institusyon.
Napagpasyahan din na sa taong ito ay magtatatag ng permanenteng himpilan para sa mga aktibistang pang-Quran sa mga lungsod ng Najaf at Karbala, gayundin sa ruta ng Arbaeen.
Ang karagdagang impormasyon at mga detalye tungkol sa pagtatatag nito ay iaanunsyo sa susunod na mga pagpupulong. Sa taong ito, isang konboy na pang-Quran na binubuo ng 100 katao ang ipadadala sa Iraq sa panahon ng Arbaeen upang magsagawa ng iba't ibang mga programang pang-Quran sa iba't ibang mga lugar.
Ang seremonya ng pagluluksa sa Arbaeen, na alin gaganapin sa Agosto 4 ngayong taon, ay isa sa pinakamalalaking pagtitipong panrelihiyon sa buong mundo. Ginugunita nito ang ika-40 araw matapos ang Ashura, ang anibersaryo ng pagkamartir ni Imam Hussein (AS), apo ni Propeta Muhammad (SKNK).
Taun-taon, napakaraming mga Shia ang nagtutungo sa Karbala, kung saan matatagpuan ang banal na dambana ni Imam Hussein (AS), upang magsagawa ng mga ritwal ng pagluluksa.
Ang mga peregrino, na karamihan ay mula sa Iraq at Iran, ay naglalakad ng malalayong distansiya patungo sa banal na lungsod. Nagpapadala rin ang Iran ng isang konboy na Quraniko, na kilala bilang Konboy Noor, sa Iraq sa panahon ng prusisyon ng Arbaeen.
Ang mga kasapi ng Konboy Noor ng Iran ay nagsasagawa ng iba't ibang mga programang pang-Quran at panrelihiyon, kabilang ang pagbigkas ng Banal na Quran, Adhan (panawagan sa pagdarasal), at Tawasheeh, sa kahabaan ng daan sa pagitan ng Najaf at Karbala at sa iba pang lugar sa panahon ng martsa ng Arbaeen.
