Тасмими Шветсия барои ихроҷи фарди иҳонаткунанда ба Қуръон
Додгоҳи муҳоҷират дар Шветсия бо ихроҷи Силвон Момика, ки чанд бор бо оташ задани Қуръони Карим ба китоби муқаддаси мусулмонон тавҳин карда буд, мувофиқат кард.
Додгоҳи муҳоҷирати Шветсия ҳукми ихроҷи Силвон Момикаро, ки соли гузашта чандин бор дар пойтахт, Стокҳолм, Қуръонро сӯзонда буд, таъйид кард.
Ба гузориши радиои “Ekot”-и Шветсия, додгоҳ муҳоҷирати дархост таҷдиди назари Момикаро рад кард ва тасмими идораи муҳоҷират мабнӣ бар ихроҷи вай аз кишварро таъйид кард.
Додгоҳ тавзеҳ дод, ки Момика иттилооти нодурусте дар мавриди дархости муҷаввизи иқомати худ ироа кардааст ва бинобарин тасмими ихроҷи Ӯро таъйид кард.
Силвон Момика, муҳоҷири 37 солаи ироқӣ дар дар устони Найнаво мутаваллид шудааст. Иттилооти Файсбуки Момика нишон медиҳад, дар соли 2005 аз муассисаи гардишгарӣ ва ҳотелдории Найнаво фориғуттаҳсил шудааст. Момика собиқаи узвият дар бархе гурӯҳҳои шебҳи низомиро дорад. Ҳамчунин аз Ӯ ба унвони бунёнгузори ҳизби демократики сурёнӣ ва фармондеҳии як гурӯҳи мусаллаҳ ба номи “сақуруссараён” ёд мешавад.
Дар вокуниш ба тавҳинҳои мукаррари Силвон Момика ба Қуръони Карим, давлати Ироқ талошҳоеро барои истирдоди вай ва муҳокимааш оғоз кардааст.
Шветсия ахиран шоҳиди иҳонатҳои фаровони вай ба Қуръон дар муқобили масоҷид ва сафоратхонаҳои кишварҳои исломӣ будааст, ки хашми густардаи мардум дар ҷаҳони Исломро барангехт ва бархе аз кишварҳои исломиро бар он дошт, то дипломатҳои шветсияиро барои расондани эътирози расмӣ эҳзор кунанд.
