Кадом кишварҳо чаҳоршанберо иди Фитр эълом карданд?
Ба гузориши ИКНА, маркази байналмилалии нуҷум, ки вазифаи расади ҳилоли моҳҳои арабӣ ва назорат бар моҳвораҳои ҷаҳони Арабро бар ӯҳда дорад, замони иди Фитри имсолро дар кишварҳои арабӣ мушаххас кард.
Ин марказ эълом кард, ки масъулони истеҳлоли моҳи шаввол дар рӯзи душанбе 8 апрел (20 фарвардин) амалиёти истеҳлолро анҷом медиҳанд ва аз онҷо, ки нахустин рӯзи моҳи мубораки Рамазон дар кишварҳои арабӣ рӯзи душанбе, 11 март (21 исфанд 1402) будааст, рӯъяти ҳилоли моҳи шаввол дар ғуруби душанбе, 8 апрел шанбе маҳол аст ва бинобар ин рӯзи сешанбе, охирин рӯзи моҳи мубораки Рамазон аст.
Бар ин асос, маркази байналмилалии нуҷум эълом кард, ки иди Фитри имсол бар пояи муҳосиботи нуҷумӣ, дар 8 кишвари арабӣ яъне Миср, Арабистони Саудӣ, Иморот, Қатар, Сурия, Кувайт, Баҳрайн ва Алҷазоир рӯзи чаҳоршанбе, 10 апрел 2024 (22 фарвардин 1403) хоҳад буд.
Дар дигар кишварҳо монанди Марокаш, Уммон, Покистон, Либия, Эрон ва Ҳинд, ки рӯзи аввали моҳи Рамазон дар онҳо 12 март (22 исфанд) будааст, низ ҳилоли моҳи шаввол дар рӯзи сешанбе, 9 апрел 2024 мелодӣ (21 фарвардин 1403) рӯъят хоҳад шуд.
Ин марказ тавзеҳ дод, ки бар асоси мутолиоти нуҷумӣ, рӯъяти ҳилоли моҳи шаввол дар қорраҳои Амрикои Шимолӣ ва Ҷанубӣ бо чашми ғайримусаллаҳ мумкин аст ва рӯзи иди Фитр дар ин кишварҳо панҷшанбе, 11 апрел (23 фарвардин) хоҳад буд.
Аммо ҳилоли шаввол дар кишварҳои шарқи ҷаҳон ва ҷануби Африқо бо истифода аз телескоп рӯъят мешавад. Дар кишварҳои Осиёи Миёна ва Маркази Қораи Африқо низ ҳилоли моҳи шаввол ба сахтӣ бо чашми ғайри мусаллаҳ рӯъят мешавад, аммо дар кишварҳои ғарб Осиё рӯъяти ҳилол тақрибан ба осонӣ бо чашми ғайри мусаллаҳ мумкин хоҳад буд. Бинобар ин дар ин кишварҳо рӯзи сешанбе охирин рӯзи моҳи Рамазон аст.
Маркази байналмилалии нуҷум дар шаҳри Абудабӣ, пойтахти Имороти арабии муттаҳида воқеъ аст ва яке аз муҳиммтарин мароҷеъ барои мутолиоти илми нуҷум дар сатҳи ҷаҳон маҳсуб мешавад.
Чаҳоршанбе; Мавъиди иди саиди Фитр дар Эрон
Пажӯҳишгари ҳилоли моҳ ва узви ситоди истеҳлоли дафтари раҳбари муаззами Инқилоби эълом кард: чаҳоршанбе рӯзи иди саиди Фитр аст ва дар ғуруби сешанбе ҳилоли моҳ дар Амрикои Шимолӣ, Ҷанубӣ ва Марказӣ, тамоми Қораи Африқо, тамоми Қораи Аврупо ба истиснои мунтаҳи илайҳи Шимол ва Осиё, ҳилоли моҳ бо чашми ғайри мусаллаҳ қобили рӯъят аст; Бинобар ин чаҳоршанбе 23 фрурдинмоҳ мусодиф бо аввали шаввол хоҳад буд.
