Қадрдонии Ал-Азҳар аз иқдоми Қуръонии Путин + видео
Теҳрон (ИКНА) ба нақл аз Русия Алявм, ин созмони исломӣ дар баёнияе эълом кард: Ал-Азҳар ин мавзеъи шуҷоъонаи Владимир Путин, ки Қуръони Каримро бардошта ва аз муқаддасоти мусулмонон дифоъ карда ва эҳтироми худ ба исломро нишон медиҳад, арҷ мениҳад.
Владимир Путин, раисҷумҳури Русия дар ҳоле, ки дар шаҳри Дарбанди Русия як нусха аз Қуръонро ба унвони ҳадия дарёфт кард, иқдом ба сӯзондани Қуръонро маҳкум кард ва ин рафтор бо китоби муқаддаси мусулмононро ҷурм донист.
Раисҷумҳури Русия дар боздид аз масҷиди ҷумъа дар шаҳри Дарбанд гуфт: усқуфи аъзами Русия ҳамеша ба мо итминон медиҳад, ки мусулмонон бародарони мо ҳастанд ва ин дар мавриди мо низ сидқ мекунад.
Вай афзуд: ин ваҳдат мардуми моро тақвият мекунад. Кишвари мо чанд миллиятӣ ва фирқаҳои мухталиф, аммо мардуми муттаҳид аст. Ин китоб барои мусулмонон муқаддас аст ва барои дигарон низ муқаддас аст. Мо медонем, ки дар бархе аз кишварҳо мутафовит рафтор мекунанд ва бархе аз онҳо ба эҳсосоти мазҳабии мардум эҳтиром намегузоранд ва мегӯяанд ин кор ҷурм нест.
Вай гуфт: сӯзондани Қуръон дар кишвари мо ҷурм маҳсуб мешавад тибқи қонуни асосӣ ва бар асоси моддаи 282 қонун муҷозот, ҷурм аст. Мо ҳамеша ба ин қавонин пойбанд ҳастем.
Ин дар ҳоле аст, ки иқдоми як фарди Ироқитабор, ки рӯзи чаҳоршанбе иқдом ба оташ задани нусхае аз Қуръон дар муқобили бузургтарин масҷид дар Стокголм, пойтахти Шветсия карда буд, хашм ва инзиҷори шадиди ҷаҳони исломро дар пай доштааст.
https://iqna.ir/fa/news/4151372
