Ду миллион Қуръон; Тӯҳфаи Арабистон ба ҳоҷиён
Вазорати умури исломии Арабистон дар остонаи поён ёфтани айёми ҳаҷ ва бозгашти зоирон ба кишварҳои худ иқдом ба тавзеъи ду миллион Қуръон дар миёни онон кардааст.
Теҳрон (ИКНА) ба нақл аз Сидтӣ, ин Қуръонҳо ба ҳиммати вазорати умури исломӣ, таблиғ ва иршоди Арабистон дар ростои иҷрои дастуроти Малик Салмон ибни Абдулазиз Оли Сауд, подшоҳи Арабистон дар миёни ҳоҷиён тавзеъ шудааст.
Ин нусхаҳои Қуръон аз маншуроти маҷмаъи чопи Қуръони Малик Фаҳди Арабистон аст, ки дар андозаҳои мухталиф ва ба беш аз 76 забон ба ҳоҷиён ҳадия шудааст.
Фурудгоҳи байналмилалии Малик Абдулазиз, бандари исломии Ҷидда, роҳҳои иртиботии заминӣ ва ҳавоӣ аз ҷумла амокуне ҳастанд, ки ин Қуръонҳо дар онҷо тавзеъ шудааст.
Абдуллатиф ибни Абдулазиз Оли Шайх, вазири умури исломӣ, таблиғ ва иршоди Арабистон дар ин бора гуфт: тавзеъи ин Қуръонҳо баёнгари эҳтимоми ҳукумати Арабистон ва подшоҳи ин кишвар ба хидмат ба Қуръон аст.
