Эрдуғон: Сӯзондани Қуръон ба номи озодӣ маъное надорад
Теҳрон (ИКНА) ба нақл аз хабаргузории Анатолия, Раҷаб Тайиб Эрдуғон, раиси ҷумҳури Туркия тайи суханоне пас аз поёни нишасти кабина дар муҷтамеъи риёсати ҷумҳурӣ дар Анқара бо ишора ба ҷароими ношӣ аз нафрати таҳти ҳимояти полис гуфт: ҳамла ба амокуни муқаддаси мардум дар ҳеҷ кишвари мутамаддине дар ҷаҳонро наметавон ба унвони озодии андеша тавсиф кард. Ҳамонтавр, ки оташзадани Калисо, Каниса ё маобиди соири ақоид озодӣ нест, сӯзондани Қуръон ба номи озодӣ низ мафҳуме надорад.
Эрдуғон дар бораи сӯзондани Қуръон дар Шветсия тасреҳ кард: вақте сӯҳбат аз амнияти худашон мешавад, қонун намешиносанд, аммо вақте навбати амокини муқаддаси мусулмонон мерасад, ба ёди озодии баён меафтанд.
Вай бо баёни инки ҳамаи ҷаҳон медонад ва бояд бидонад, ки Туркия на дар баробари сиёсати таҳдид ва таҳрик ва на дар баробари эъроб ва тарс таслим нахоҳад шуд гуфт: ҳама бояд бипазиранд, ки бо таъмини фазо барои террористҳо ва ихтисос додани маёдини шаҳр ба онҳо наметавон дӯстии Туркияро ба даст овард.
Эрдуғон бо ишора ба инки аҳамият талошҳои сулҳсозе, ки таҳти раҳбарии Туркия анҷом мешавад, рӯз ба рӯз беҳтар дарк мешавад, идома дод: ҷанги Русия ва Украина, ки ба бунбаст расидааст, бадеҳӣ тарин ва мутаассифона дардноктарин намунаи он аст. Раванди Истамбул фурсати таърихӣ барои поён додан ба ин ҷанги ваҳшёна буд.
Эрдуғон гуфт: кишвари мо бо нигариши мутаодил, одилона ва итминон бахши худ нақши таъйин кунандае дар ҳали буҳронҳо ифо мекунад.
Вай дар хусуси эътирозот дар Фаронса гуфт: умедворем, ки ҳаводиси нигарон кунандаи ахир ҳар чӣ зудтар ва қабл аз ташдиди морпечи хушунатҳо поён ёбад.
